കോഴിക്കോട്: ഹര്‍ത്താലില്‍ വാഹനം കിട്ടാതെ വലഞ്ഞ വിദ്യാര്‍ഥികള്‍ക്ക് സുരക്ഷിതയാത്രയൊരുക്കി പൊലിസ്.
അയ്യായിരത്തിലധികം വരുന്ന വിദ്യാര്‍ഥികളെയും രക്ഷിതാക്കളെയും അഗ്രികള്‍ച്ചറല്‍ എന്‍ട്രന്‍സ് നടക്കുന്ന ആറോളം പരീക്ഷാ കേന്ദ്രങ്ങളില്‍ കൃത്യസമയത്ത് എത്തിക്കാന്‍ പൊലിസിന് കഴിഞ്ഞു.
റെയില്‍വേ സ്റ്റേഷനിലും കെ.എസ്.ആര്‍.ടി.സി സ്റ്റാന്‍ഡിലും എത്തിയവരെ  പൊലിസ് വാഹനങ്ങളിലും ബസുകളിലുമായാണ് പരീക്ഷാ കേന്ദ്രങ്ങളിലെത്തിച്ചത്. പരീക്ഷയുണ്ടെന്ന വിവരത്തെ തുടര്‍ന്ന് വിദ്യാര്‍ഥികളെ അതതു കേന്ദ്രങ്ങളിലെത്തിക്കാന്‍ പൊലിസ് നേരത്തെ തന്നെ സൗകര്യങ്ങള്‍ ഒരുക്കിയിരുന്നു.