തരുവണ: കനിവ് ചാരിറ്റബിള്‍ ട്രസ്റ്റിന്റെ പ്രവര്‍ത്തനം വയനാട്, കോഴിക്കോട് ജില്ലകളില്‍ ആരംഭിച്ചു. ട്രസ്റ്റ് നിര്‍മിച്ചു നല്‍കുന്ന 16 വീടുകളുടെ നിര്‍മാണവും റമദാന്‍, ഈദ് കിറ്റ് വിതരണവും കുറ്റ്യാടിയില്‍ നടന്ന ചടങ്ങില്‍ കുറ്റ്യാടി പൊലിസ് സബ് ഇന്‍സ്‌പെക്ടര്‍ ശ്രീജിത്ത് ഉദ്ഘാടനം ചെയ്തു. കുറ്റ്യാടി ഗ്രാമ പഞ്ചായത്ത് വൈസ് പ്രസിഡന്റ് കെ.സി ബിന്ദു വയനാട്ടില്‍ നിര്‍മിക്കുന്ന 13 വീടുകളുടെ ചെക്ക് വിതരണ ഉദ്ഘാടനം ചെയര്‍മാന്‍ മുഹമ്മദ് മായന്‍ നല്‍കി നിര്‍വഹിച്ചു. കനിവ് രക്ഷാധികാരി സാബിത് വയനാട് മുഖ്യപ്രഭാഷണം നടത്തി. കുറ്റ്യാടി ഗ്രാമ പഞ്ചായത്ത് വാര്‍ഡംഗം കെ.വി ജമീല അധ്യക്ഷയായി. തൊണ്ടര്‍നാട് ഗ്രാമ പഞ്ചായത്ത് അംഗം നൗഷാദ് കുഞ്ഞോം, വയനാട് കനിവ് കോഡിനേഷന്‍ കമ്മിറ്റി ചെയര്‍മാന്‍ പി.കുഞ്ഞബ്ദുല്ല ഹാജി, സി.കെഅബ്ദുറഹ്്മന്‍, ബഷീര്‍ കുഞ്ഞോം, ഉസ്മാന്‍ മൗലവി, സി.എച്ച് മൊയ്തു തരുവണ, ആലാം ഇബ്‌റാഹീം, അമ്മോട്ടി ഹാജി എന്നിവര്‍ സംസാരിച്ചു. നിര്‍ധന രോഗികള്‍ക്കും പാവപ്പെട്ട കുടുംബങ്ങള്‍ക്കുമുള്ള റിലീഫ് കിറ്റ് 1250 കുടുംബങ്ങള്‍ക്ക് വയനാട് ജില്ലയില്‍ ജാതി മത വ്യത്യാസമില്ലാതെ പ്രവര്‍ത്തകര്‍ വീടുകളില്‍ നേരിട്ട് എത്തിച്ചു നല്‍കി. ജന. കണ്‍വീര്‍ മുനീര്‍ കുറ്റ്യാടി നന്ദി പറഞ്ഞു.