HOME
DETAILS

കീഴൂരില്‍ പൂജാരിയെ അക്രമിച്ച സംഭവം: മൊബൈല്‍ ഫോണ്‍ കണ്ടെത്തി

  
backup
October 27 2018 | 03:10 AM

%e0%b4%95%e0%b5%80%e0%b4%b4%e0%b5%82%e0%b4%b0%e0%b4%bf%e0%b4%b2%e0%b5%8d%e2%80%8d-%e0%b4%aa%e0%b5%82%e0%b4%9c%e0%b4%be%e0%b4%b0%e0%b4%bf%e0%b4%af%e0%b5%86-%e0%b4%85%e0%b4%95%e0%b5%8d%e0%b4%b0

പയ്യോളി: കീഴൂര്‍ ശിവക്ഷേത്ര പൂജാരി ബാലുശ്ശേരി പനങ്ങാട് ഹരീന്ദ്രനാഥി (52)നെ ആക്രമിച്ച് സ്വര്‍ണമാല കവര്‍ന്ന സംഭവത്തില്‍ നഷ്ടപ്പെട്ട മൊബൈല്‍ ഫോണ്‍ കണ്ടെത്തി. മലപ്പുറത്ത് നിര്‍ത്തിയിട്ട ലോറിക്കു മുകളില്‍നിന്നാണ് മൊബൈല്‍ ഫോണ്‍ ലഭിച്ചത്. മംഗലാപുരത്തുനിന്ന് ചരക്കുമായി പോയ ലോറിയാണിത്. ഫോണ്‍ ലൊക്കേഷന്‍ സംഭവദിവസം തന്നെ പൊലിസിന് ലഭിച്ചിരുന്നു. ലോറി ഡ്രൈവറുടെ മൊഴി പൊലിസ് രേഖപ്പെടുത്തി. കവര്‍ച്ച നടത്തിയ ശേഷം ചരക്കുമായി പോകുന്ന ലോറിക്ക് മുകളിലേക്ക് എറിഞ്ഞതായി പൊലിസ് സംശയിക്കുന്നു. മറ്റൊരു മൊബൈല്‍ ഫോണ്‍ ക്ഷേത്രപരിസരത്തുണ്ടെന്നാണ് നിഗമനം. തിരച്ചില്‍ നടത്തിയെങ്കിലും സൂചനകളൊന്നുംലഭിച്ചിട്ടില്ല.
ക്ഷേത്രത്തിനു സമീപത്തെ വീടുകളിലെയും തൊട്ടടുത്തെ വ്യാപാര സ്ഥാപനങ്ങളിലെയും സി.സി.ടി.വി ദൃശ്യങ്ങള്‍ പൊലിസ് പരിരോധിച്ചതില്‍ മോഷ്ടാവ് ബൈക്കില്‍ പോകുന്നതായി വ്യക്തമായിട്ടുണ്ട്.
ഹെല്‍മറ്റും മഴക്കോട്ടും ധരിച്ച നിലയില്‍ ഒരാളെ മാത്രമാണ് കാമറയില്‍ പതിഞ്ഞതായി കാണുന്നത്. മുഖത്തും കണ്ണിലും ആസിഡ് ഒഴിച്ചതിനെ തുടര്‍ന്ന് മെഡിക്കല്‍ കോളജില്‍ പ്രവേശിപ്പിച്ച ഹരീന്ദ്രനാഥ് ഇന്നലെ വീട്ടിലെത്തി.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."