കണ്ണൂര്‍: ശബരിമല യുവതീപ്രവേശന വിഷത്തില്‍ കേരളത്തിലെ ഇടതു സര്‍ക്കാരിനെ രൂക്ഷമായി വിമര്‍ശിച്ച് അമിത് ഷാ. സര്‍ക്കാര്‍ അയ്യപ്പഭക്തരെ അടിച്ചമര്‍ത്തുകയാണെന്ന് ബി.ജെ.പി ദേശീയ അധ്യക്ഷന്‍ അമിത് ഷാ. അയ്യപ്പ ഭക്തര്‍ക്കൊപ്പം ബി.ജെ.പിയുടെ ദേശീയ ശക്തി മുഴുവന്‍ നില്‍ക്കും. ഇതിന്റെ പേരില്‍ ഇടത് സര്‍ക്കാരിനെ വലിച്ചുതാഴെയിടാന്‍ മടിക്കില്ലെന്നും അമിത് ഷാ. ശബരിമല വിഷയത്തില്‍ പ്രതിഷേധിച്ച ആയിരകണക്കിന് പ്രവര്‍ത്തകരെ അറസ്റ്റ് ചെയ്തത് എന്തിനാണെന്നും അമിത് ഷാ ചോദിച്ചു.

നേരത്തെ സ്ത്രീക്കും പുരുഷനും ക്ഷേത്രപ്രവേശനത്തില്‍ തുല്യ അവകാശം വേണമെന്നായിരുന്നു ആര്‍.എസ്.എസ് നിലപാട്. ശബരിമല വിധിയെ സ്വാഗതം ചെയ്ത ബി.ജെ.പി പിന്നീട് കേരള ഘടകത്തിന്റെ ആവശ്യപ്രകാരം നിലപാട് മാറ്റുകയായിരുന്നു.