മാഞ്ചസ്റ്റര്‍: അദ്ഭുതമൊന്നും സംഭവിച്ചില്ല. ആഷസ് നാലാം ടെസ്റ്റിലെ അഞ്ചാം ദി
നം സമനിലയ്ക്കായി പൊരുതിയ ഇംഗ്ലണ്ട് പക്ഷേ മത്സരം തീരാന്‍ വെറും 20 മിനുട്ട് ബാക്കി
നില്‍ക്കേ ബാറ്റ് വച്ച് കീഴടങ്ങിയതോടെ നാലാം ടെസ്റ്റ് ഓസീസിന് സ്വന്തം. 185 റണ്‍സിനാണ് ജയം. നാല് വിക്കറ്റ് വീഴ്ത്തിയ പാറ്റ് കുമ്മിന്‍സാണ് ഇംഗ്ലണ്ടിനെപരാജയത്തിലേക്ക് തള്ളിയിട്ടത്. ജയത്തോടെ ആസ്‌ത്രേലിയ 2-1ന് മുന്നിലെത്തി. ഒരു മത്സരം സമനിലയില്‍ കലാശിച്ചിരുന്നു. സ്‌കോര്‍: ആസ്‌ത്രേലിയ എട്ടിന് 497 ഡിക്ലയേര്‍ഡ്, ആറിന് 186 ഡിക്ലയേര്‍ഡ്. ഇംഗ്ലണ്ട് 301, 197.
രണ്ടു വിക്കറ്റിന് 18 എന്ന തകര്‍ച്ചയില്‍നിന്ന് ബാറ്റിങ് പുനരാരംഭിച്ച ഇംഗ്ലണ്ടി
ന് ജോ ഡെന്‍ലിയും (53) ജോസ് ബട്ട്‌ലറും(31) ചേര്‍ന്നാണ് പുനര്‍ജന്മം നല്‍കിയത്. ഇരുവരും ഓസീസ് പേസര്‍മാര്‍ക്കെതിരേ ക്ഷമയോടെ ബാറ്റ് വീശി. കൂട്ടുകെട്ട് 60 കടന്നതോടെ ഗ്യാലറിയില്‍ ഇരിക്കുന്ന ആരാധകര്‍ക്കും ഇംഗ്ലണ്ടണ്ട് ടീമിനും പ്രതീക്ഷ നല്‍കി. എന്നാല്‍ സ്‌കോര്‍ 66ല്‍ എത്തിയപ്പോള്‍ നാലാം ദിനം ഇംഗ്ല
ണ്ടണ്ടിന്റെ അടിത്തറ ഇളക്കിയ കുമ്മിന്‍സ് ഇത്തവണയും വില്ലനായെത്തി.പിന്നീടെത്തിയവരില്‍ ബെയര്‍‌സ്റ്റോവിനും (25) ബട്ട്‌ലറിനും (34) മാത്രമാണ് അല്‍പമെങ്കിലും പിടിച്ചുനില്‍ക്കാനായത്. നഥാന്‍ ലിയോണും ജോഷ് ഹാസില്‍വുഡും രണ്ട് വീതം വിക്കറ്റുകള്‍ വീഴ്ത്തി.