കല്‍പ്പറ്റ: വിദ്യാഭ്യാസ വായ്പയെടുത്ത മുഴുവന്‍ ആളുകളുടെയും സ്‌പെഷ്യല്‍ കണ്‍വെന്‍ഷന്‍ ഈമാസം 14 ന് രാവിലെ പത്തിന് പിണങ്ങോട് ഗ്രെയ്‌സ് ഓഡിറ്റോറിയത്തില്‍ ചേരും. സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്യും. വിദ്യാഭ്യാസ ലോണ്‍ സഹായ പദ്ധതിയെ സംബന്ധിച്ചും ഉപരിപഠനത്തിനുള്ള സഹായ പദ്ധതികളെ കുറിച്ചും ലീഡ്ബാങ്ക് മാനേജര്‍ ശ്യാമള വിശദീകരിക്കും. ജില്ലയിലെ വിദ്യാഭ്യാസ ലോണ്‍ എടുത്ത മുഴുവന്‍ ആളുകളും യോഗത്തില്‍ പങ്കെടുക്കണമെന്ന് എഡ്യുക്കേഷന്‍ ലോണ്‍ ഹോള്‍ഡേഴ്‌സ് അസോസിയേഷന്‍ ഭാരവാഹികളായ പ്രസിഡന്റ്് ടി.ഡി മാത്യു, വൈസ് പ്രസിഡന്റ്് ശ്രീധരന്‍ ഇരുപുത്ര, സെക്രട്ടറി ഫ്രാന്‍സിസ് പുഞ്ഞോലില്‍, എം.വി പ്രഭാകരന്‍, വര്‍ഗീസ് മാത്യു അറിയിച്ചു.