കൊച്ചി: എറണാകുളം മഹാരാജാസ് കോളജില്‍ നടന്ന മഹാത്മാഗാന്ധി സര്‍വകലാശാലാ റസ്‌ലിങ് ചാംപ്യന്‍ഷിപ്പില്‍ പുരുഷ വിഭാഗത്തില്‍ മഹാരാജാസ് കോളജ് തുടര്‍ച്ചയായ രണ്ടാം തവണയും ചാംപ്യന്മാരായി.
കാലടി ശ്രീ ശങ്കര കോളജ് രണ്ടാം സ്ഥാനവും സെന്റ്. ഡൊമനിക്ക് കോളജ് മൂന്നാം സ്ഥാനവും കരസ്ഥമാക്കി.വനിതാ വിഭാഗത്തില്‍ കോട്ടയം സി.എം.എസ് കോളജ് ചാംപ്യന്മാരായി. മാറമ്പള്ളി എം.ഇ.എസ് കോളജ് രണ്ടാം സ്ഥാനവും കാലടി ശ്രീ ശങ്കര കോളജ് മൂന്നാം സ്ഥാനവും കരസ്ഥമാക്കി.
മഹാത്മാഗാന്ധി സര്‍വകലാശാലാ കായിക വിഭാഗം ഡയരക്ടര്‍ ഡോ. ബിനു ജോര്‍ജ്, മഹാരാജാസ് കോളജ് പ്രിന്‍സിപ്പല്‍ ഡോ. കൃഷ്ണ കുമാര്‍ എന്നിവര്‍ വിജയികള്‍ക്കുള്ള സമ്മാനദാനം നിര്‍വഹിച്ചു.