മാഡ്രിഡ്: സീസണില്‍ തോല്‍വി തുടരുന്ന റയല്‍ മാഡ്രിഡിന് താല്‍ക്കാലിക പരിശീലകനായി അര്‍ജന്റൈന്‍ പരിശീലകന്‍ സാന്റിയാഗോ സൊളാരിയെ നിയമിച്ചു. ഞായറാഴ്ച ബാഴ്‌സലോണയോടേറ്റ കനത്ത തോല്‍വിയെ തുടര്‍ന്ന് പരിശീലകനായിരുന്നു ജൂലിയന്‍ ലെപറ്റഗിയെ മാറ്റുകയായിരുന്നു. തുടര്‍ന്നാണ് സൊളാരിക്ക് താല്‍ക്കാലിക ചുമതല നല്‍കിയത്.
മുന്‍ റയല്‍ മാഡ്രിഡ് താരം കൂടിയായ സൊളാരി 2016 മുതല്‍ റയലിന്റെ ബി ടീമിനെ പരിശീലിപ്പിച്ചുവരികയാണ്. റയലിന് വേണ്ടി കളിക്കുന്ന സമയത്ത് ടീമിനൊപ്പം ലാ ലീഗയും ചാംപ്യന്‍സ് ലീഗും നേടിയിട്ടുണ്ടണ്ട്. അര്‍ജന്റീനക്കായണ്ടി 11 മത്സരങ്ങളില്‍ കളിച്ചു.
പുതിയ പരിശീലകനെ കണ്ടെത്തിയാല്‍ ഉടന്‍ സൊളാരിയെ മാറ്റുമെന്നും ക്ലബ് അധികൃതര്‍ അറിയിച്ചിട്ടുണ്ട്. മുന്‍ ചെല്‍സി പരിശീലകന്‍ അന്റോണിയോ കോണ്ടെയെ പരീശീലക സ്ഥാനത്തേക്ക് പരിഗണിച്ചിട്ടുണ്ടെങ്കിലും ഇക്കാര്യത്തില്‍ വ്യക്തമായൊരറിയിപ്പ് ഇതുവരെ ക്ലബിന്റെ ഭാഗത്ത് നിന്നുണ്ടായിട്ടില്ല.
കഴിഞ്ഞ സീസണിലെ മോശം പ്രകടനത്തെ തുടര്‍ന്ന് കോണ്ടെയെ ചെല്‍സി പുറത്താക്കിയതായിരുന്നു. കഴിഞ്ഞ ഏഴ് മത്സരങ്ങളില്‍നിന്നായി റയല്‍ മാഡ്രിഡിന് ഒരു ജയം മാത്രമാണ് സ്വന്തമാക്കാനായത്. സീസണ്‍ തുടക്കത്തില്‍തന്നെ സൂപ്പര്‍താരം ക്രിസ്റ്റ്യാനോ റൊണാള്‍ഡോ യുവന്റസിലേക്ക് ചേക്കേറിയതും തുടര്‍ച്ചയായി മൂന്ന് ചാംപ്യന്‍സ് ലീഗ് കിരീടം നേടിക്കൊടുത്ത പരിശീലകന്‍ സിനദിന്‍ സിദാന്‍ കളമൊഴിഞ്ഞതും റയലിന്റെ ദയനീയാവസ്ഥക്ക് കാരണമായി. ലോകകപ്പിന് തൊട്ടു മുന്‍പായിരുന്നു റയല്‍ മാഡ്രിഡ് ലെപറ്റെഗുയിയെ നിയമിച്ചത്.
ഇതേതുടര്‍ന്ന് സ്‌പെയിന്‍ ലോകകപ്പ് ടീമിനൊപ്പമുണ്ടണ്ടായിരുന്ന പരിശീലകനെ പുറത്താക്കുകയും ചെയ്തിരുന്നു. രണ്ട് ദിവസത്തിനുള്ളില്‍ തന്നെ റയലിന്റെ പുതിയ പരിശീലകന്റെ കാര്യത്തില്‍ കൃത്യമായ തീരുമാനമുണ്ടാകുമെന്നാണ് അധികൃതരുടെ വിശദീകരണം.