കാട്ടാക്കട: കണ്ണൂരില്‍ നിന്നും നെയ്യാര്‍ ലയണ്‍ സഫാരി പാര്‍ക്കില്‍ എത്തിച്ച പുലിയെ തിരുവനന്തപുരം സൂവിലെക്കു മാറ്റി. ഇന്നലെ ഉച്ചയ്ക്ക് രണ്ടുമണിയോടെയാണ് തിരുവനന്തപുരം മ്യൂസിയം സൂപ്രണ്ട് അനില്‍കുമാര്‍, ഡോക്ടര്‍ ജേക്കബ് അലക്‌സാണ്ടര്‍ എന്നിവരുടെ നേതൃത്വത്തില്‍ എത്തിയ സംഘം പുലിയെ തിരുവനന്തപുരത്തേക്ക് മാറ്റിയത്.
പ്രിന്‍സിപ്പല്‍ വൈല്‍ഡ് ലൈഫ് വാര്‍ഡന്‍ ഉത്തരവ് പ്രകാരം ആണ് ഇവിടെ നിരീക്ഷണത്തില്‍ ആയിരുന്ന പുലിയെ തിരുവനന്തപുരം സൂവില്‍ എത്തിച്ചത് .
വൈല്‍ഡ് ലൈഫ് വെറ്റിനറി ഡോക്ടര്‍ പി എസ് ജയകുമാര്‍ നെയ്യാര്‍ അസിസ്റ്റന്റ് വൈല്‍ഡ് ലൈഫ് വാര്‍ഡന്‍ ആര്‍ എസ് അനീഷ്‌കുമാര്‍, സെഷന്‍ ഫോറെസ്‌റ് ഓഫീസര്‍ അഭിലാഷ് എന്നിവര്‍ പുലിയെ ലയണ്‍ സഫാരി പാര്‍ക്കിലെ കൂട്ടില്‍ നിന്നും തിരുവനന്തപുരം മൃഗശാലയില്‍ നിന്നു കൊണ്ടുവന്ന പ്രതേക വാഹനത്തിലേക്ക് മാറ്റി കൊണ്ട് പോവുകയായിരുന്നു.