കോഴിക്കോട്: അവശ്യസാധന ഉല്‍പാദന വിതരണ രംഗത്ത് ലാഭക്കൊതിയോടെയുള്ള വന്‍കിട കമ്പനികളുടെ നീക്കങ്ങളെ ചെറുക്കുന്നതിന് ജനങ്ങളെ വിശ്വാസത്തിലെടുത്ത് സേവന മേഖലയില്‍ പ്രവര്‍ത്തിക്കണമെന്ന് മുഖ്യമന്ത്രി പിണറായി വിജയന്‍. സപ്ലൈകൊ റമദാന്‍ മെട്രോ ഫെയര്‍ സംസ്ഥാനതല ഉദ്ഘാടനം കോഴിക്കോട് ഇ.എം.എസ് സ്‌റ്റേഡിയത്തില്‍നിര്‍വഹിച്ച് സംസാരിക്കുകയായിരുന്നു മുഖ്യമന്ത്രി.
മന്ത്രി പി. തിലോത്തമന്‍ അധ്യക്ഷനായി. മന്ത്രി ടി.പി. രാമകൃഷ്ണന്‍ ആദ്യ വില്‍പന നടത്തി. മേയര്‍ തോട്ടത്തില്‍ രവീന്ദ്രന്‍, എം.കെ. രാഘവന്‍ എം.പി, എം.എല്‍.എമാരായ എ. പ്രദീപ് കുമാര്‍, വി.കെ.സി മമ്മദ് കോയ, ബാബു പറശ്ശേരി സംസാരിച്ചു.