കൊടുങ്ങല്ലൂര്‍: പള്ളിമുറ്റത്ത് കേരള മാതൃക തീര്‍ത്ത് ചേരമാന്‍ ജുമാ മസ്ജിദ്. കേരളപ്പിറവി ദിനത്തില്‍ മഹല്ലിന് കീഴിലുള്ള മദ്‌റസകളിലെ വിദ്യാര്‍ഥികളാണ് കേരളത്തിന്റെ രൂപം തീര്‍ത്തത്. പള്ളി അങ്കണത്തില്‍ നടന്ന ചടങ്ങില്‍ ചിത്രകാരനായ ഡാവിന്‍ചി സുരേഷ് പ്രതിജ്ഞ ചൊല്ലിക്കൊടുത്തു. മഹല്ല് പ്രസിഡന്റ് ഡോ.പി.എ മുഹമ്മദ് സഈദ് അധ്യക്ഷനായി.
ഇമാം സൈഫുദ്ദീന്‍ അല്‍ ഖാസിമി, നഗരസഭാ സ്റ്റാന്റിങ് കമ്മിറ്റി ചെയര്‍മാന്‍ കെ.എസ് കൈസാബ്, കൗണ്‍സിലര്‍മാരായ അഡ്വ.സി.പി രമേശന്‍, എം.കെ സഗീര്‍, മഹല്ല് സെക്രട്ടറി എസ്.എ അബ്ദുല്‍ ഖയ്യും, അഡ്മിനിസ്‌ട്രേറ്റര്‍ ഇ.ബി ഫൈസല്‍, ഷാനവാസ് അല്‍ ഖാസിമി, ഡോ. അബ്ദുറഹ്മാന്‍, കെ.എ അബ്ദുള്‍ കരിം സംസാരിച്ചു.