വേങ്ങര: വേങ്ങര ബ്ലോക്ക് പഞ്ചായത്തില്‍ കണ്ണമംഗലം, ഊരകം ഗ്രാമപഞ്ചായത്തുകളിലായി  നടപ്പാക്കുന്ന കേരഗ്രാമം പദ്ധതി പ്രതിപക്ഷഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം  ചെയ്തു.  മുതുവില്‍കുണ്ടില്‍ നടന്ന പരിപാടിയില്‍ ബ്ലോക്ക് പഞ്ചായത്ത് പ്രസിഡന്റ് പി.കെ അസ്‌ലു അധ്യക്ഷനായി.
തെങ്ങിന് ഇടവിള കൃഷി, തെങ്ങ് കയറ്റയന്ത്രം വിതരണം,  തടംതുറക്കല്‍, വളംവിതരണം, മൂല്യവര്‍ധിത ഉത്പ്പന്നങ്ങള്‍ തുടങ്ങി സമഗ്രവികസനമാണ്  കേരഗ്രാമം പദ്ധതി ലക്ഷ്യമിടുന്നത്.  കൃഷി ഡെപ്യൂട്ടി ഡയറക്ടര്‍ എന്‍.യു സദാനന്ദന്‍  പദ്ധതിയെക്കുറിച്ച് വിശദീകരിച്ചു.  കണ്ണമംഗലം ഗ്രാമപഞ്ചായത്ത്  പ്രസിഡന്റ്  സരോജിനി, വൈസ് പ്രസിഡന്റ് മുജീബ് പൂക്കുക്ക്, ബ്ലോക്ക് പഞ്ചായത്ത് മെമ്പര്‍ കുഞ്ഞുട്ടി,  കൃഷി ഓഫിസര്‍ കെ ജംഷീദ് പങ്കെടുത്തു.  
തെങ്ങിന് ഇടവിളകൃഷി, തെങ്ങ് കയറ്റയന്ത്രം വിതരണം, തടംതുറക്കല്‍, വളംവിതരണം, മൂല്യവര്‍ധിത ഉത്പ്പന്നങ്ങള്‍  തുടങ്ങി സമഗ്ര വികസനമാണ് കേരഗ്രാമം പദ്ധതി ലക്ഷ്യമിടുന്നത്.