ദമാം: സഊദിയുടെ കിഴക്കന്‍ പ്രവിശ്യയിലെ രണ്ടിടങ്ങളില്‍ വെടിവയ്പ്പ്. അല്‍ ഹസയില്‍ നടന്ന വെടിവയ്പ്പില്‍ ഒരാള്‍ കൊല്ലപ്പെടുകയും മറ്റൊരാള്‍ക്ക് പരുക്കേല്‍ക്കുകയും ചെയ്തു. അല്‍ ഹസയിലെ റൗണ്ട് എബൗട്ടിന് സമീപം കിംഗ് അബ്ദുല്ല പാര്‍ക്കിനടുത്താണ് സംഭവം. സംഭവത്തെ കുറിച്ച് കൂടുതല്‍ വിവരങ്ങള്‍ ലഭ്യമായിട്ടില്ല. സംഭവസ്ഥലം സുരക്ഷാ സേനയുടെ നിരീക്ഷണത്തിലാണ്.

ശീഈകള്‍ തിങ്ങി താമസിക്കുന്ന ഖത്തീഫില്‍ അജ്ഞാത സംഘം നടത്തിയ വെടിവയ്പ്പില്‍ സുരക്ഷാ സേനാംഗത്തിനു പരുക്കേറ്റു. കഴിഞ്ഞ ദിവസങ്ങളിലും ഇവിടെ സുരക്ഷാ സേനക്ക് നേരെ ആക്രമണം നടക്കുകയും സുരക്ഷാ സേനാംഗം കൊല്ലപ്പെടുകയും ചെയ്തിരുന്നു. ഇപ്പോള്‍ നടന്ന വെടിവയ്പ്പിനെകുറിച്ച് കൂടുതല്‍ കാര്യങ്ങള്‍ അറിവായിട്ടില്ല.