റിയാദ്: അമേരിക്കയിലെ ഇവാഞ്ചലിക്കല്‍ ക്രിസ്ത്യന്‍ നേതാക്കള്‍ സന്ദര്‍ശനത്തിനായി സഊദിയിലെത്തി. മേഖലയിലെ പര്യടനത്തിന്റെ ഭാഗമാണ് നേതാക്കളുടെ സഊദി സന്ദര്‍ശനം. സന്ദര്‍ശനത്തിനിടെ സഊദി കിരീടാവകാശി അമീര്‍ മുഹമ്മദ് ബിന്‍ സല്‍മാന്‍ രാജകുമാരനുമായി സംഘം ചര്‍ച്ച നടത്തിയതായി സഊദി വാര്‍ത്താ ഏജന്‍സി റിപ്പോര്‍ട്ട് ചെയ്തു.

വ്യത്യസ്ത ആശയ ധാരകളുടെ സഹവര്‍തിത്വം, സഹിഷ്ണുത, തീവ്രവാദത്തിനും ഭീകരവാദത്തിനുമെതിരായ യോജിച്ച പ്രവര്‍ത്തനം എന്നിവ കൂടിക്കാഴ്ച്ചയില്‍ ചര്‍ച്ചയായതായി റിപ്പോര്‍ട്ടില്‍ പറയുന്നു. അമേരിക്കയിലെ സഊദി അംബാസഡര്‍ അമീര്‍ ഖാലിദ് ബിന്‍ സല്‍മാന്‍ ബിന്‍ അബ്ദുല്‍ അസീസ്, മുസ്ലീം വേള്‍ഡ് ലീഗ് സെക്രട്ടറി ജനറല്‍, മുഹമ്മദ് അല്‍ ഈസ, വിദേശകാര്യമന്ത്രി ആദില്‍ ജുബൈര്‍ എന്നിവരും കൂടിക്കാഴ്ചയില്‍ പങ്കെടുത്തു.