തിരുവനന്തപുരം: ഓണ്‍ലൈന്‍ വിപണിയില്‍ ആറന്മുള കണ്ണാടി മുതല്‍ മലയാള സാഹിത്യ പുസ്തകങ്ങള്‍ വരെ ലഭ്യമാക്കാനൊരുങ്ങി ട്രേഡര്‍കേരള.കോ. രാജ്യത്തിന്റെ ഏതുഭാഗത്തുനിന്നും ഉപഭോക്താവിന് കേരളത്തിന്റെ തനത് ഉല്‍പ്പന്നങ്ങള്‍ ഓണ്‍ലൈന്‍ വഴിലഭിക്കും. കോം ഇ കൊമേഴ്‌സ് പ്ലാറ്റ്‌ഫോം വഴിയാണ് പുതിയ സംരംഭത്തിന് തുടക്കമാവുന്നത്. ഹോണ്‍ബില്‍ വെഞ്ചേഴ്‌സ് പ്രൈവറ്റ് ലിമിറ്റഡിന്റെതാണ് പുതിയ സംരംഭം. പദ്ധതിയുടെ ഉദ്ഘാടനം കഴിഞ്ഞ ദിവസം മുഖ്യമന്ത്രി പിണറായി വിജയന്‍ നിര്‍വഹിച്ചിരുന്നു. തിരുവനന്തപുരം മസ്‌കത്ത് ഹോട്ടലില്‍ നടന്ന ഉദ്ഘാടനച്ചടങ്ങില്‍ പ്രതിപക്ഷ നേതാവ് രമേശ് ചെന്നിത്തല, മന്ത്രിമാരായ ഇ.പി ജയരാജന്‍, കടകംപള്ളി സുരേന്ദ്രന്‍, വി.എസ്. സുനില്‍കുമാര്‍, ശശി തരൂര്‍ എം.പി, വി.ഡി സതീശന്‍ എം.എല്‍.എ, ചീഫ് സെക്രട്ടറി ടോം ജോസ് പങ്കെടുത്തു.