പാനൂര്‍: നിര്‍ധനരായ കാന്‍സര്‍ രോഗികള്‍ക്ക് വിഗ്ഗ് നിര്‍മിക്കാന്‍ മുടി ദാനം ചെയ്ത് ഒരു കൂട്ടം വിദ്യാര്‍ഥിനികള്‍.
മൊകേരി രാജീവ്ഗാന്ധി മെമ്മോറിയല്‍ ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് വിദ്യാര്‍ഥിനികളായ 34 പേരാണ് കേശദാനം നടത്തി മാതൃകയായത്. കേരള ഫൗണ്ടേഷന്റെ സഹായത്തോടെയാണ് വിദ്യാലയ അങ്കണത്തിലാണ് കേശദാന ചടങ്ങ് നടന്നത്. കോടിയേരി മലബാര്‍ കാന്‍സര്‍ സെന്ററിലെ രോഗികള്‍ക്ക് വിഗ് നിര്‍മിക്കാനാണ് മുടി ദാനം ചെയ്തത്. കേരളാ ഫൗണ്ടേഷന്‍ ചെയര്‍മാന്‍ സുനില്‍ മാങ്ങാട്ടിടത്തിന്റെ അധ്യക്ഷതയില്‍ പാനൂര്‍ സി.ഐ വി.വി ബെന്നി ഉദ്ഘാടനം ചെയ്തു. പ്രിന്‍സിപ്പല്‍ എ.കെ പ്രേമദാസന്‍, എച്ച്.എം സി.പി സുധീന്ദ്രന്‍, എന്‍.എസ്.എസ് പ്രോഗ്രാം ഓഫിസര്‍ സജീവ് ഒതയോത്ത്, രാജീവന്‍ ടി. വേങ്ങാട്, രാജീവന്‍ പാനുണ്ട, ബാബുരാജ്, റിട്ട.എ.ഇ.ഒ ലളിത, കെ. അനില്‍കുമാര്‍ സംസാരിച്ചു.