ലെസ്റ്റര്‍: ഇംഗ്ലീഷ് പ്രീമിയര്‍ ലീഗില്‍ ടോട്ടനത്തെ അട്ടിമറിച്ച് ലെസ്റ്റര്‍ സിറ്റി. ലെസ്റ്ററിനെ പരാജയപ്പെടുത്താമെന്ന മോഹവുമായി അവരുടെ തട്ടകത്തില്‍ ചെന്ന ടോട്ടനത്തിന് 2-1ന്റെ തോല്‍വി പിണഞ്ഞു.
ടോട്ടനത്തിനായി ഹാരി കെയ്ന്‍ വല കുലുക്കി. കളിയില്‍ ടോട്ടനമാണ് ആധിപത്യം പുലര്‍ത്തിയതെങ്കിലും പന്ത് വല ലക്ഷ്യമാക്കി പായിക്കുന്നതില്‍ പരാജയപ്പെട്ടു.
ആദ്യ പകുതി അവസാനിക്കുമ്പോള്‍ നായകന്‍ ഹാരി കെയ്‌ന്റെ ഗോളില്‍ മുന്നില്‍ നിന്ന ശേഷമായിരുന്നു ടോട്ടനത്തിന്റെ തോല്‍വി.
രണ്ടാം പകുതിയിലെ 69ാം മിനുട്ടില്‍ റിക്കാര്‍ഡോ പെരേരയുടെ ഗോളില്‍ സമനില കണ്ടെത്തിയ ലെസ്റ്ററിന് 85ാം മിനുട്ടില്‍ ഇംഗ്ലണ്ട് മിഡ്ഫീല്‍ഡര്‍ ജെയിംസ് മാഡിസനാണ് വിജയം സമ്മാനിച്ചത്.
ജയത്തോടെ ടോട്ടനത്തെ മറികടന്ന് ലെസ്റ്റര്‍ സിറ്റി 11 പോയിന്റുമായി മൂന്നാം സ്ഥാനത്തേക്ക് ഉയര്‍ന്നു. എട്ട് പോയിന്റുമായി അഞ്ചാം സ്ഥാനത്താണ് ടോട്ടനം. മറ്റൊരു മത്സരത്തില്‍ ബേണ്‍മൗത്ത് സതാംപ്റ്റനെ 3-1ന് പരാജയപ്പെടുത്തി.