കോഴിക്കോട്: മലയാളത്തിന്റെ സുകൃതമായ സുപ്രഭാതം ദിനപത്രം വാര്‍ഷിക പ്പതിപ്പിന്റെ പ്രകാശനവും സെമിനാറും ഇന്ന് നടക്കും. കോഴിക്കോട് കെ.പി കേശവമേനോന്‍ ഓഡിറ്റോറിയത്തില്‍ രാവിലെ 9.30നാണ് പരിപാടി. കെ. മുരളീധരന്‍ എം.പി വാര്‍ഷിക പതിപ്പിന്റെ പ്രകാശനം നിര്‍വഹിക്കും. സീനത്ത് സില്‍ക്‌സ് ആന്‍ഡ് സാരീസ്, കോട്ടക്കല്‍ എം.ഡി മനരിക്കല്‍ അബ്ദുല്‍ റസാഖ് ഏറ്റുവാങ്ങും. സുപ്രഭാതം ചെയര്‍മാന്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അധ്യക്ഷനാകും. സുപ്രഭാതം ഓണ്‍ലൈന്‍ സബ്‌സ്‌ക്രിപ്ഷന്‍ ലോഞ്ചിങ് സയ്യിദ് മുഹമ്മദ് കോയ തങ്ങള്‍ ജമലുല്ലൈലി നിര്‍വഹിക്കും. ഇഖ്‌റഅ് പബ്ലിക്കേഷന്‍ കണ്‍വീനര്‍ അബ്ദുല്‍ ഹമീദ് ഫൈസി അമ്പലക്കടവ് സ്വാഗതം പറയും.
'വര്‍ത്തമാന ഇന്ത്യ' എന്ന വിഷയത്തില്‍ നടക്കുന്ന സെമിനാര്‍ എളമരം കരീം എം.പി ഉദ്ഘാടനം ചെയ്യും. ഡോ. ബഹാഉദ്ദീന്‍ മുഹമ്മദ് നദ്‌വി മോഡറേറ്ററാവും. അബ്ദുസ്സമദ് പൂക്കോട്ടൂര്‍ വിഷയം അവതരിപ്പിക്കും. സി. മമ്മൂട്ടി എം.എല്‍.എ, പി. സുരേന്ദ്രന്‍, നവാസ് പൂനൂര്‍, എ. സജീവന്‍ സംസാരിക്കും. സുപ്രഭാതം സി.ഇ.ഒ മുസ്തഫ മുണ്ടുപാറ നന്ദി പറയും.