ബംഗളൂരു: ചിന്നസ്വാമി സ്‌റ്റേഡിയത്തില്‍ ടോസ് നേടിയിട്ടും ബാറ്റിങ് തിരഞ്ഞെടുത്ത കോഹ്‌ലിയുടെ തീരുമാനവും മത്സര പരാജയത്തോടനുബന്ധിച്ച് ചോദ്യം ചെയ്യപ്പെട്ടു. ചിന്നസ്വാമിയിലെ പിച്ച് രണ്ടാമത് ബാറ്റു ചെയ്യുന്നവരെ പിന്തുണയ്ക്കുന്നതാണെന്ന് അറിയാമായിരുന്നെന്നും ആദ്യം ബാറ്റ് ചെയ്യാന്‍ തീരുമാനിച്ചത് ഒരു വെല്ലുവിളിയായി സ്വീകരിച്ചതാണെന്നുമാണ് കോഹ്‌ലിയുടെ വിശദീകരണം. ടി20 ലോകകപ്പ് മുന്നില്‍ കണ്ട് ഇടയ്‌ക്കൊക്കെ കംഫര്‍ട്ട് സോണില്‍നിന്ന് കളിക്കുന്നതാണ് നല്ലതെന്ന് തോന്നിയിട്ടുള്ളതിനാല്‍ ഇത്തരം പരീക്ഷണങ്ങള്‍ നടത്തേണ്ടിവരുമെന്നും താരം കൂട്ടിച്ചേര്‍ത്തു.