കരിങ്കല്ലത്താണി: ഖുര്‍ആന്‍ സുകൃതങ്ങളുടെ വചനപൊരുള്‍ എന്ന പ്രമേയത്തില്‍ സുന്നി മഹല്ല് ഫെഡറേഷന്‍ താഴെക്കോട് മേഖലാ കമ്മിറ്റി സംഘടിപ്പിക്കുന്ന 11-ാമത് റമദാന്‍ പ്രഭാഷണം ഇന്ന് രാവിലെ ഒന്‍പതിന് കരിങ്കല്ലത്താണിയിലെ ശിഹാബ് തങ്ങള്‍ നഗരിയില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. കോഴിക്കോട് വലിയ ഖാസി സയ്യിദ് നാസര്‍ ശിഹാബുദ്ദീന്‍ അബ്ദുല്‍ ഹയ്യ് തങ്ങള്‍ പ്രാര്‍ഥനക്ക് നേതൃത്വം നല്‍കും. സമസ്ത ജില്ലാ ജനറല്‍ സെക്രട്ടറി പി.കുഞ്ഞാണി മുസ്്‌ലിയാര്‍ അധ്യക്ഷനാകും. 

ബഷീര്‍ ഫൈസി ദേശമംഗലം മുഖ്യപ്രഭാഷണം നിര്‍വഹിക്കും. സയ്യിദ് ഇമ്പിച്ചിക്കോയ തങ്ങള്‍ കൊടക്കാട്, നാലകത്ത് സൂപ്പി, ഡോ. നാട്ടിക മുഹമ്മദലി തുടങ്ങിയവര്‍ സംബന്ധിക്കും. ആറ് ദിവസത്തെ പ്രഭാഷണം സംഗമത്തില്‍ പാണക്കാട് സയ്യിദ് സാദിഖലി ശിഹാബ് തങ്ങള്‍, സയ്യിദ് റശീദലി ശിഹാബ് തങ്ങള്‍, സയ്യിദ് അബ്ബാസലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് സാബിഖലി ശിഹാബ് തങ്ങള്‍, സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി, സി.കെ.എം സ്വാദിഖ് മുസ്്‌ലിയാര്‍, സിറാജുദ്ദീന്‍ ഖാസിമി പത്തനാപുരം, അബ്ദുസ്സമദ് പൂക്കോട്ടൂര്‍, മുസ്തഫ ഹുദവി ആക്കോട്, ഖലീല്‍ ഹുദവി കാസര്‍കോട് തുടങ്ങിയവര്‍ സംബന്ധിക്കും.
22ന് നടക്കുന്ന സമാപന പ്രാര്‍ഥനാ സമ്മേളനം സമസ്ത ജനറല്‍ സെക്രട്ടറി കെ.ആലിക്കുട്ടി മുസ്്‌ലിയാരുടെ അധ്യക്ഷതയില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ് രി മുത്തുക്കോയ തങ്ങള്‍ ഉദ്ഘാടനം ചെയ്യും. റഹ്്മത്തുല്ലാഹ് ഖാസിമി മൂത്തേടം മുഖ്യ പ്രഭാഷണം നടത്തും.
മജ്‌ലിസുന്നൂര്‍ സമാപന പ്രാര്‍ഥനാ സമ്മേളനത്തിന് പാണക്കാട് സയ്യിദ് ഹമീദലി ശിഹാബ് തങ്ങള്‍ നേതൃത്വം നല്‍കും. സമാപന പ്രാര്‍ഥനാ ഏലംകുളം ബാപ്പുമുസ്്‌ലിയാര്‍ നിര്‍വഹിക്കും.