ന്യൂഡല്‍ഹി: ദേശീയതലത്തില്‍ കോണ്‍ഗ്രസുമായുള്ള സഖ്യം ഉള്‍പ്പെടെ ചര്‍ച്ച ചെയ്യാനായി സി.പി.ഐ ദേശീയ നേതൃയോഗം ഡല്‍ഹിയില്‍ ആരംഭിച്ചു. മൂന്നു ദിവസത്തെ ദേശീയ എക്‌സിക്യൂട്ടിവ്, ദേശീയ കൗണ്‍സില്‍ യോഗങ്ങളാണ് ഇന്നലെ സി.പി.ഐ കേന്ദ്ര കമ്മിറ്റി ഓഫിസായ അജോയ് ഭവനില്‍ തുടങ്ങിയത്.
രാഷ്ട്രപതി തെരഞ്ഞെടുപ്പ്, പൊതുരാഷ്ട്രീയ സാഹചര്യം, അടുത്ത പാര്‍ട്ടി കോണ്‍ഗ്രസിന്റെ മുന്നൊരുക്കങ്ങള്‍ എന്നിവയും ചര്‍ച്ചയാകും. ബി.ജെ.പിയെ നേരിടാന്‍ കോണ്‍ഗ്രസ് കൂടി ഉള്‍പ്പെട്ട വിശാല മതേതരസഖ്യം വേണമെന്ന പ്രമേയം കഴിഞ്ഞ മാര്‍ച്ചില്‍ ചേര്‍ന്ന ദേശീയ എക്‌സിക്യൂട്ടിവ് പാസാക്കിയിരുന്നു. ഇക്കാര്യത്തില്‍ സി.പി.എം കേന്ദ്ര നേതൃത്വത്തിലെ ഒരു വിഭാഗം നേതാക്കള്‍ എതിര്‍പ്പ് അറിയിക്കുകയും ചെയ്തിരുന്നു. വിഷയം ആദ്യമായാണ് സി.പി.ഐ ദേശീയ കൗണ്‍സിലിന്റെ പരിഗണനയ്ക്കു വരുന്നത്.