HOME
DETAILS

കാലവര്‍ഷം പിന്‍വാങ്ങുന്നത് വൈകിയേക്കും

  
backup
September 29 2019 | 18:09 PM

%e0%b4%95%e0%b4%be%e0%b4%b2%e0%b4%b5%e0%b4%b0%e0%b5%8d%e2%80%8d%e0%b4%b7%e0%b4%82-%e0%b4%aa%e0%b4%bf%e0%b4%a8%e0%b5%8d%e2%80%8d%e0%b4%b5%e0%b4%be%e0%b4%99%e0%b5%8d%e0%b4%99%e0%b5%81%e0%b4%a8%e0%b5%8d

 

തിരുവനന്തപുരം: സംസ്ഥാനത്ത് കാലവര്‍ഷം ദുര്‍ബലമായെങ്കിലും പിന്‍വാങ്ങുന്നത് വൈകാന്‍ സാധ്യത. മുന്‍വര്‍ഷങ്ങളില്‍ ഒക്ടോബറിലെ ആദ്യ ആഴ്ചയോടെ പിന്‍വാങ്ങിയിരുന്ന കാലവര്‍ഷം ഈ വര്‍ഷം ഒക്ടോബര്‍ പകുതിവരെയെങ്കിലും തുടരാനാണ് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിലെ വിദഗ്ധര്‍ പറയുന്നു. അറബിക്കടലില്‍ ന്യൂനമര്‍ദം രൂപപ്പെടുന്ന സാഹചര്യത്തിലാണ് ഈ വിലയിരുത്തല്‍.
ഈ വര്‍ഷം സംസ്ഥാനത്ത് കാലവര്‍ഷം തുടങ്ങിയതും ഒരാഴ്ച വൈകിയായിരുന്നു. ഒക്ടോബര്‍ മൂന്നു വരെ ഒറ്റപ്പെട്ടയിടങ്ങളില്‍ ശക്തമായ മഴക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചിട്ടുണ്ട്. ഇന്ന് വിവിധ ജില്ലകളില്‍ യെല്ലോ അലര്‍ട്ട് നല്‍കി. ഇടുക്കി, തൃശൂര്‍, മലപ്പുറം ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചത്.
നാളെ കൊല്ലം, ആലപ്പുഴ, കോഴിക്കോട്, വയനാട്, കണ്ണൂര്‍ ജില്ലകളിലും ഒക്ടോബര്‍ രണ്ടിന് എറണാകുളം, ഇടുക്കി, മലപ്പുറം, കോഴിക്കോട് ജില്ലകളിലും മൂന്നിന് ഇടുക്കി, തൃശൂര്‍, പാലക്കാട്, മലപ്പുറം ജില്ലകളിലും യെല്ലോ അലര്‍ട്ട് നല്‍കിയിട്ടുണ്ട്. അറബിക്കടലില്‍ ഗുജറാത്തിനു സമീപം ന്യൂനമര്‍ദം രൂപപ്പെട്ടതിനാല്‍ ഗുജറാത്ത് തീരത്തും അതിന് സമീപമുള്ള വടക്കുകിഴക്ക് അറബിക്കടലിലും ഇന്ന് മത്സ്യബന്ധനത്തിന് പോകരുതെന്ന് മുന്നറിയിപ്പുണ്ട്. കന്യാകുമാരി തീരത്ത് മണിക്കൂറില്‍ 45 മുതല്‍ 55 കിലോമീറ്റര്‍ വരെ വേഗത്തില്‍ കാറ്റുവീശാന്‍ സാധ്യതയുള്ളതിനാല്‍ ഈ മേഖലയിലും ഇന്ന് മത്സ്യബന്ധനം പാടില്ല.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."