പെരുമ്പാവൂര്‍: ശാലേം വി.എച്ച്.എസ്.എസ് വിദ്യാര്‍ഥികളില്‍ കാര്‍ഷിക ആഭിരുചി വര്‍ധിപ്പിക്കുക എന്ന ലക്ഷ്യത്തോടെ ആവിഷ്‌കരിച്ച കൃഷിപാഠം പദ്ധതിക്ക് തുടക്കം കുറിച്ചു. സ്‌കൂള്‍ വളപ്പില്‍ തരിശായ് കിടന്ന അര ഏക്കറോളം ഭൂമിയാണ് കൃഷിയോഗ്യമാക്കി വിദ്യാര്‍ഥികള്‍ വിളയിറക്കിയത്.
പരിപാടിയുടെ ഉദ്ഘാടനം മാര്‍ബഹനാം വലിയ പള്ളി വികാരി ഫാ. ഐസക്ക് പുന്നാശ്ലേരി നിര്‍വഹിച്ചു. ബ്ലോക്ക് പഞ്ചായത്ത് മെമ്പര്‍ രാജു മാത്താറ, വാര്‍ഡ് മെമ്പര്‍ കെ.എന്‍ രാമകൃഷ്ണന്‍, ഫാ. ഷിബു കുരുമോളത്ത്, സ്‌കൂള്‍ മാനേജര്‍ സി.പി. ഐസക്ക്, പി.ടി.എ പ്രസിഡന്റ് ശിവന്‍ കദളി, കൃഷി അസ്റ്റന്റ് സജീഷ്, വി.എച്ച്.എസ്.എസ് പ്രിന്‍സിപ്പാള്‍ ജസ്റ്റിന്‍ ഫ്രാന്‍സിസ്, സ്‌കൂള്‍ എച്ച്.എം പ്രീത മാത്യു തുടങ്ങിയവര്‍ അശംസകള്‍ അര്‍പ്പിച്ചു.