കുറ്റ്യാടി: വീട്ടുമുറ്റത്ത് നിര്‍ത്തിയിട്ട ലോറിക്ക് തീപിടിച്ചു. ചെറിയകുമ്പളം പെട്രോള്‍ പമ്പിന് സമീപത്തെ അമ്പായക്കുന്നുമ്മല്‍ അബ്ദുല്ലയുടെ വീട്ടുമുറ്റത്തു നിര്‍ത്തിയിട്ട ടിപ്പര്‍ ലോറിക്കാണ് തീപിടിച്ചത്. ഇന്നലെ രാത്രി ഏഴു മണിയോടെയാണ് സംഭവം.
ഓട്ടം കഴിഞ്ഞ് വീട്ടുമുറ്റത്ത് നിര്‍ത്തിയിട്ടതായിരുന്നു ലോറി. ഇതിനിടെ ഷോര്‍ട്ട് സര്‍ക്യൂട്ട് ഉണ്ടാവുകയും തീപിടിക്കുകയുമായിരുന്നു. ലോറിയുടെ മുന്‍ഭാഗം കത്തിനശിച്ചു.
ചേലക്കാട് നിന്നെത്തിയ ഫയര്‍ ഫോഴ്‌സ് യൂനിറ്റും പൊലിസും നാട്ടുകാരും ചേര്‍ന്ന് തീ അണച്ചു. അതേസമയം, സമയോചിത ഇടപെടല്‍ കാരണം തീ പടരാതെ അണയ്ക്കാനായത് വന്‍ ദുരന്തം ഒഴിവാക്കി. അമ്പായക്കുന്നുമ്മല്‍ നൗഫലിന്റെതാണ് ലോറി.