ലണ്ടന്‍: യൂറോകപ്പ് യോഗ്യതാ മത്സരത്തില്‍ ബെല്‍ജിയത്തിന് വന്‍ ജയം. എതിരില്ലാത്ത ഒന്‍പത് ഗോളിന് സാന്‍മാരിനോയെയാണ് അവര്‍ തകര്‍ത്തത്. റൊമേലു ലുക്കാക്കു ബെല്‍ജിയത്തിനായി ഇരട്ട ഗോള്‍ കണ്ടെത്തി. ഇതോടെ ബെല്‍ജിയത്തിന് വേണ്ടി 50 ഗോള്‍ നേടുന്ന താരമെന്ന നേട്ടം ലുക്കാക്കു സ്വന്തമാക്കി. മറ്റൊരു മത്സരത്തില്‍ സൈപ്രസ് 2-1 എന്ന സ്‌കോറിന് ഖസാക്കിസ്താനെ പരാജയപ്പെടുത്തി. സ്‌ലോവാക്യ- വെയില്‍സ് മത്സരം 1-1 നും ബലാറസും എസ്‌തോണിയയും തമ്മിലുള്ള മത്സരം ഗോള്‍ രഹിതമായും സമനിലയില്‍ കലാശിച്ചു. എതിരില്ലാത്ത നാലു ഗോളിന് റഷ്യ സ്‌കോട്ട്‌ലന്‍ഡിനെ തകര്‍ത്തു. ഒരു ഗോളിന് പിറകില്‍ നിന്ന ശേഷം മൂന്ന് ഗോള്‍ തിരിച്ചടിച്ച് നെതര്‍ലന്‍ഡ്‌സ് നോര്‍ത്തേണ്‍ അയര്‍ലന്‍ഡിനെ പരാജയപ്പെടുത്തി. എതിരില്ലാത്ത മൂന്ന് ഗോളിന് ക്രൊയേഷ്യ ഹങ്കറിയെ പരാജയപ്പെടുത്തി.