വളാഞ്ചേരി: കഴിഞ്ഞ സര്‍ക്കാറിന്റെ കാലത്ത് അധ്യാപക പാക്കേജില്‍ ഉള്‍പ്പെടുത്തി ശമ്പളം നല്‍കിവരുന്ന അധ്യാപകര്‍ക്കു ശമ്പളം നിഷേധിക്കുന്ന വിദ്യാഭ്യാസ വകുപ്പിന്റെ നടപടിയില്‍ കെ.പി.എസ്.ടി.എ കുറ്റിപ്പുറം ഉപജില്ലാ കമ്മിറ്റി പ്രതിഷേധിച്ചു. ഈ അധ്യയന വര്‍ഷം തസ്തിക നഷ്ടപ്പെടാന്‍ സാധ്യതയുള്ള അധ്യാപകര്‍ക്കു തുടര്‍ന്നു ശമ്പളം നല്‍കേണ്ടതില്ലെന്ന ചില വിദ്യാഭ്യാസ ഓഫിസര്‍മാരുടെ ഉത്തരവ് അധ്യാപക പാക്കേജിന്റെ ലംഘനമാണെന്നും സര്‍ക്കാര്‍ അടിയന്തിരമായി ഇടപെട്ടു ശമ്പളം ലഭിച്ചുവരുന്ന അധ്യാപകരുടെ ശമ്പളം ഉറപ്പുവരുത്തണമെന്നും യോഗം ആവശ്യപ്പെട്ടു. എം. ജയന്‍, എ.പി നാരായണന്‍, വി. ഷഫീഖ്, കെ. ബിജു, പി.ടി ഷഹനാസ് സംസാരിച്ചു.