ഭോപ്പാല്‍: ഇന്ത്യന്‍ ക്രിക്കറ്റ് ടീം ചാംപ്യന്‍സ് ട്രോഫി നേടിയതിന് പിന്നാലെ കാവിക്കൊടിയും ദേശീയ പതാകയുമേന്തി പള്ളിക്കു മുന്നില്‍ ഹിന്ദുത്വരുടെ ആഹ്ലാദ പ്രകടനം. മധ്യപ്രദേശിലെ ഇന്‍ഡോറില്‍ മോവിലെ ജുമാ മസ്ജിദിന് മുന്നിലായിരുന്നു ആഹ്ലാദപ്രകടനമെന്ന പേരിലുള്ള ഹിന്ദുത്വരുടെ അഴിഞ്ഞാട്ടം. 

വിജയാഘോഷ റാലി പള്ളിക്ക് സമീപമെത്തിയപ്പോള്‍ ഇസ്‌ലാമിനും മുസ്‌ലിംകള്‍ക്കും എതിരായ മുദ്രാവാക്യങ്ങള്‍ ഉയര്‍ത്തുകയും ബഹളം സൃഷ്ടിക്കുകയുമായിരുന്നു. വിശ്വാസികള്‍ പള്ളിക്കുള്ളില്‍ തറാവീഹ് നിസകരിച്ചുകൊണ്ടിരിക്കുന്ന സമയമായിരുന്നു. പള്ളിക്ക് സമീപത്തുവച്ചുള്ള അമിത് ശബ്ദവും വിദ്വേഷ മുദ്രാവാക്യങ്ങളും അവര്‍ ചോദ്യം ചെയ്തു. പിന്നാലെ ഹിന്ദുത്വര്‍ പള്ളിക്ക് നേരെ കല്ലേറ് നടത്താന്‍ തുടങ്ങിയെന്നും ദൃക്‌സാക്ഷികള്‍ പറയുന്നു. ഇതിന് പിന്നാലെ പ്രദേശത്ത് സംഘര്‍ഷം പൊട്ടിപ്പുറപ്പെടുകയായിരുന്നു. 

പള്ളിയിലേക്ക് പടക്കം എറിഞ്ഞെന്നും ഇമാം മുഹമ്മദ് ജവാദ്. അതാണ് പ്രദേശത്ത് സംഘര്‍ഷത്തിന് കാരണമായതെന്നും അദ്ദേഹം വ്യക്തമാക്കി. 

Unrest in Indore's Mhow after a victory rally for India's win in the Champions Trophy spiralled into clashes outside a mosque. According to reports, fans in the rally allegedly provoked Taraweeh worshippers by chanting derogatory slogans and bursting firecrackers, leading to a… pic.twitter.com/Kg10L7Ag8R

— Maktoob (@MaktoobMedia) March 9, 2025

ഇതിന് ശേഷം ഹിന്ദുത്വര്‍ പാട്ടിബസാറിലും മാര്‍ക്കറ്റ് ചൗക്കിലും ജുമാമസ്ജിദ് പരിസരത്തും ബതാക് മൊഹല്ല പ്രദേശത്തും ധാന്‍മാണ്ഡിയിലുമായി 12 ബൈക്കുകളും രണ്ടു കാറുകളും അഗ്‌നിക്കിരയാക്കിയതാും റിപ്പോര്‍ട്ടുകള്‍ പറയുന്നു. ബതാക്ക് മൊഹല്ലയില്‍ ഒരു കടയ്ക്ക് തീയിട്ടു. മാര്‍ക്കറ്റ് ചൗക്കില്‍ രണ്ടു കടകള്‍ക്കും തീയിട്ടു. സംഘര്‍ഷാവസ്ഥയെ തുടര്‍ന്ന് പ്രദേശത്ത് കൂടുതല്‍ പൊലിസിനെ വിന്യസിച്ചതായി അധികൃതര്‍ അറിയിച്ചു.