തിരുവനന്തപുരം ഗവ.ആയുര്‍വേദ കോളേജില്‍ ഒഴിവുള്ള സ്റ്റാഫ് നഴ്‌സ് (അലോപ്പതി) തസ്തികയില്‍ ദിവസവേതനാടിസ്ഥാനത്തില്‍ ഒരു താത്കാലിക ഒഴിവുണ്ട്. എസ്.എസ്.എല്‍.സി/തത്തുല്യം. നഴ്‌സിങ്ങില്‍ മൂന്ന് വര്‍ഷത്തില്‍ കുറയാത്ത പരിശീലനം. കേരള സര്‍ക്കാര്‍ അംഗീകരിച്ച സ്ഥാപനത്തില്‍ നിന്നും മിഡ് വൈഫറിയില്‍ ഒന്‍പത് മാസത്തില്‍ കുറയാത്ത പരിശീലനം എന്നീ യോഗ്യതകളുള്ള വനിതാ ഉദ്യോഗാര്‍ത്ഥികള്‍ വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകളും സാക്ഷ്യപ്പെടുത്തിയ പകര്‍പ്പുകളും ബയോഡേറ്റയും സഹിതം 24ന് രാവിലെ 11ന് തിരുവനന്തപുരം ഗവ.ആയുര്‍വേദ കോളേജ് പ്രിന്‍സിപ്പാളിന്റെ ആഫീസില്‍ അഭിമുഖത്തിന് ഹാജരാകണം.