കൊടുങ്ങല്ലൂര്‍ (തൃശൂര്‍): കോട്ടപ്പുറം കായലില്‍ നടന്ന ഏഴാമത് ചാംപ്യന്‍സ് ബോട്ട് ലീഗില്‍ പള്ളാതുരുത്തി ബോട്ട് ക്ലബ് തുഴഞ്ഞ നടുഭാഗം ചുണ്ടന്‍ വീണ്ടും ജലരാജാവ്. 3 മിനുട്ട് 30 സെക്കന്‍ഡില്‍ 900 മീറ്റര്‍ തുഴഞ്ഞാണ് നടുഭാഗം ജലരാജാവായത്.
ഇതുവരെ നടന്ന ഏഴ് ലീഗ് മത്സരങ്ങളില്‍ ആറിലും നടുഭാഗം തന്നെയാണ് ജേതാവായത്. മെക്രോ സെക്കന്‍ഡ് വ്യത്യാസത്തില്‍ വില്ലേജ് ബോട്ട് ക്ലബ് എടത്വ തുഴഞ്ഞ ഗബ്രിയേല്‍ രണ്ടാം സ്ഥാനം നേടി. എന്‍.സി.ഡി.സി കുമരകം തുഴഞ്ഞ ദേവസ് മൂന്നാം സ്ഥാനവും നേടി. ധനമന്ത്രി തോമസ് ഐസക് ലീഗ് മത്സരം ഉദ്ഘാടനം ചെയ്തു. 900 മീറ്റര്‍ നീളമുള്ള ട്രാക്കില്‍ 9 ചുണ്ടന്‍ വളങ്ങളാണ് മത്സരിച്ചത്. 3 വള്ളങ്ങള്‍ വീതമുള്ള 3 ഹീറ്റ്‌സ് മത്സരങ്ങളായാണ് മത്സരം നടത്തിയത്.