കണ്ണൂര്‍: പൊടിക്കുണ്ട് കൊറ്റാളി റോഡിലെ കോണ്‍ഗ്രസ് നിയന്ത്രിത ബസ് ഷെല്‍ട്ടറിനു നേരെ കരിഓയില്‍ പ്രയോഗം. ഇന്നലെ പുലര്‍ച്ചയോടെയാണ് സംഭവം. പുതിയതെരു സബ്‌സ്റ്റേഷനു സമീപത്തെ രാജീവ്ഗാന്ധി ബസ് ഷെല്‍ട്ടറാണ് അക്രമികള്‍ കരിഓയില്‍ ഒഴിച്ചു നശിപ്പിച്ചത്. കോണ്‍ഗ്രസ് പ്രവര്‍ത്തകരുടെ പരാതിയില്‍ ടൗണ്‍ പൊലിസ് കേസെടുത്തു. കോണ്‍ഗ്രസ് നേതാക്കളായ മാര്‍ട്ടിന്‍ ജോര്‍ജ്, കല്ലിക്കോടന്‍ രാഗേഷ്, സി.കെ വിനോദ് സന്ദര്‍ശിച്ചു.