ആലപ്പുഴ: നേപ്പാളിലെ കാഠ്മണ്ഡുവില്‍ നടന്ന ലോക ജോമാസര്‍ ഫൈറ്റില്‍ കേരളത്തിന്റെ കെ.കെ ശിവദാസിന് സ്വര്‍ണം. 14 രാജ്യങ്ങളില്‍നിന്നുളള താരങ്ങളുമായി മത്സരിച്ചാണ് ശിവദാസ് ഈ വ്യക്തിഗത നേട്ടം കൈവരിച്ചത്.
കരാട്ടെ, കുങ്ഫു ഇനങ്ങളില്‍ നിരവധി താരങ്ങള്‍ ഇന്ത്യയെ പ്രതിനിധീകരിച്ച് മെഡല്‍ നേടിയെങ്കിലും ജോമാസര്‍ ഫൈറ്റിലെ ഏക മെഡല്‍ ശിവദാസിന്റേതാണ്.
കുങ്ഫു ഇനത്തില്‍ ദേശീയ മെഡല്‍ ജേതാവായ ശിവദാസിന് ആദ്യമായാണ് രാജ്യാന്തര മെഡല്‍ ലഭിക്കുന്നത്. പോണ്ടിച്ചേരി സ്വദേശി വി.ആര്‍.എസ് കുമാറാണ് പരിശീലകന്‍.