കോഴിക്കോട്: സമസ്ത കേരള ജംഇയ്യത്തുല്‍ ഖുത്വബാ സംസ്ഥാന കമ്മിറ്റിയുടെ ആഭിമുഖ്യത്തില്‍ 'കരുണയാണ് തിരുനബി(സ) ' എന്ന പ്രമേയത്തില്‍ കേരള മീലാദ് കോണ്‍ഫറന്‍സ് ഇന്ന് രാവിലെ 10ന് വടകര ശാദീ മഹലില്‍ നടക്കും. സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. കൊയ്യോട് ഉമര്‍ മുസ്‌ലിയാര്‍ അധ്യക്ഷനാകും. അബ്ദുസ്സമദ് പൂക്കോട്ടൂര്‍, അബ്ദുല്‍ ഹമീദ് ഫൈസി അമ്പലക്കടവ്, റഹ്മത്തുല്ലാ ഖാസിമി മുത്തേടം വിഷയാവതരണം നടത്തും. വൈകിട്ട് വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കുന്ന ഇശ്‌ഖേ മജ്‌ലിസോട് കൂടിയാണ് സദസ് സമാപിക്കുക.