രാജ്യത്ത് എം.ബി.ബി.എസ്, ബി.ഡി.എസ് കോഴ്‌സുകളിലെ പ്രവേശനത്തിനുള്ള നീറ്റ് 2020 മെയ് മൂന്നിനും ദേശീയ എന്‍ജിനിയറിങ് പ്രവേശന പരീക്ഷയായ ജെ.ഇ.ഇ മെയിന്‍ ഒന്നാംഘട്ടം ജനുവരി ആറ് മുതലും രണ്ടാംഘട്ടം ഏപ്രില്‍ മൂന്ന് മുതലും നടത്താന്‍ നാഷണല്‍ ടെസ്റ്റിങ് ഏജന്‍സി(എന്‍.ടി.എ) തീരുമാനിച്ചു.
2020 ജൂണ്‍ വരെ നടത്താനിരിക്കുന്ന പരീക്ഷാ കലണ്ടറില്‍ യു.ജി.സി നെറ്റ്, സിമാറ്റ്, ജിപാറ്റ്, ഐ.സി.എ.ആര്‍, ജെ.എന്‍.യു പ്രവേശന പരീക്ഷ ഉള്‍പ്പെടെയുള്ള പരീക്ഷാ തിയതികളാണ് കലണ്ടറിലുള്ളത്.

സി.എസ്.ഐ.ആര്‍ നെറ്റ് ഡിസംബര്‍ 15നായരിക്കും. 2020 ജനുവരി ആറ് മുതല്‍ 11 വരെയായിരിക്കും ജെ.ഇ.ഇ മെയിന്‍ ഒന്നാംഘട്ടം. ജെ.ഇ.ഇ 2020 ഏപ്രില്‍ മൂന്ന് മുതല്‍ ഒമ്പതു വരെ നടക്കുന്ന മെയിന്‍ രണ്ടാംഘട്ടത്തിന്റെ രജിസ്‌ട്രേഷന്‍ 2020 ഫെബ്രുവരി ഏഴ് മുതല്‍ മാര്‍ച്ച് ഏഴ് വരെയായിരിക്കും. സിമാറ്റ് 2020 ജനുവരി 24നായിരിക്കും. ഇതിന്റെ രജിസ്‌ട്രേഷന്‍ 2019 നവംബര്‍ ഒന്ന് മുതല്‍ 30 വരെ നടത്താം.

ജിപാറ്റ് ജനുവരി 24 നും ഇതിന്റെ രജിസ്‌ട്രേഷന്‍ നവംബര്‍ ഒന്ന് മുതല്‍ 30 വരെയുമായിരിക്കും. ഇഗ്‌നോ എം.ബി.എ 2020 ജൂണ്‍ ഒന്നിനായിരിക്കും. രജിസ്‌ട്രേഷന്‍ ജനുവരി 31 മുതല്‍ ഫെബ്രുവരി 28 വരെ.
ജെ.എന്‍.യു പ്രവേശന പരീക്ഷ മേയ് 11 മുതല്‍ 14 വരെയായിരിക്കും.

മേയ് മൂന്നിന് നടത്തുന്ന നീറ്റ് യു.ജിയുടെ രജിസ്‌ട്രേഷന്‍ ഡിസംബര്‍ രണ്ട് മുതല്‍ 31 വരെയായിരിക്കും. യു.ജി.സി നെറ്റ് 2020 ജൂണ്‍ 15 മുതല്‍ 20 വരെ.രജിസ്‌ട്രേഷന്‍ മാര്‍ച്ച് 15 മുതല്‍ ഏപ്രില്‍ 16 വരെ.
സി.എസ്.ഐ.ആര്‍ നെറ്റ് 2020 ജൂണ്‍ 21നായിരിക്കും. രജിസ്‌ട്രേഷന്‍ മാര്‍ച്ച് 16 മുതല്‍ ഏപ്രില്‍ 15 വരെ. മുഴുവന്‍ പരീക്ഷാ തീയതികളും അറിയാന്‍ ിമേ.മര.ശി വെബ്‌സൈറ്റ് സന്ദര്‍ശിക്കുക.