റിയാദ്: തുർക്കിയിലെ സഊദി കോൺസുലേറ്റിൽ കൊല്ലപ്പെട്ട സഊദി മാധ്യമ പ്രവർത്തകൻ ഖശോഗിയുടെ പേരിൽ മക്കയിലും മദീനയിലും മയ്യിത്ത് നമസ്ക്കാരം നിർവ്വഹിച്ചു. മക്കയിൽ വെള്ളിയാഴ്ച ജുമുഅ നിസ്കാര ശേഷവും മദീനയിൽ സുബ്ഹി നിസ്കാര ശേഷവുമാണ് നിസ്കാരം നടന്നത്.

 

ഖശോഗിയുടെ മകൻ സലാഹ് മദീനയിലെ സുബ്ഹി  നമസ്ക്കാര ശേഷം നടന്ന മയ്യിത്ത് നമസ്ക്കാരത്തിൽ പങ്കെടുത്തു. മറഞ്ഞ മയ്യിത്തിനുള്ള നമസ്ക്കാരം എന്ന് പ്രത്യേകം ഹറമിലെ മൈക്കിലൂടെ അറിയിക്കുന്ന വീഡിയോ പുറത്തു വന്നിട്ടുണ്ട്.