പട്‌ന: മുസാഫര്‍പൂര്‍ ഷെല്‍ട്ടര്‍ഹോമിലെ അന്തേവാസികളായ പെണ്‍കുട്ടികളെ പീഡിപ്പിച്ചതുമായി ബന്ധപ്പെട്ട കേസില്‍ ഒളിവില്‍ പോയ ബിഹാര്‍ മുന്‍ സാമൂഹികക്ഷേമ മന്ത്രി മഞ്ജു വര്‍മയുടെ സ്വത്തുക്കള്‍ കണ്ടുകെട്ടി.
കണ്ടുകെട്ടുന്ന വിവരം അവരുടെ വസതിയിലടക്കം പതിച്ചതായി ബെഗുസരായി പൊലിസ് സൂപ്രണ്ട് അവ്കാശ് കുമാര്‍ അറിയിച്ചു. ആയുധ നിരോധന നിയമം ലംഘിച്ചുവെന്ന കേസിലും മഞ്ജുവര്‍മയെ കുറ്റക്കാരിയായി കണ്ടെത്തിയിട്ടുണ്ട്. ഇവരുടെ വീട് റെയ്ഡ് ചെയ്തപ്പോള്‍ നിരവധി ആയുധങ്ങളാണ് കണ്ടെടുത്തതെന്നും പൊലിസ് അറിയിച്ചു.