ബ്യൂണസ് അയേഴ്‌സ്: ഒരു വര്‍ഷം മുന്‍പു കാണാതായ അര്‍ജന്റീനയുടെ അന്തര്‍വാഹിനി കണ്ടെത്തി. എ.ആര്‍.എ സാന്‍ ജുവാന്‍ എന്ന അന്തര്‍വാഹിനിയാണ് കണ്ടെത്തിയതെന്ന് അര്‍ജന്റീനിയന്‍ നാവികസേന അറിയിച്ചു.
കപ്പല്‍ അര്‍ജന്റീനന്‍ ഉപദ്വീപായ വാല്‍ദെസിനോട് സമീപത്തായി അറ്റ്‌ലാന്റിക് സമുദ്രത്തില്‍ 800 മീറ്റര്‍ താഴ്ചയിലാണ് കണ്ടെത്തിയത്. 44 നാവികരുമായി 2017 നവംബര്‍ 15നായിരുന്നു ഈ അന്തര്‍വാഹിനി കാണാതായത്.
അപകടത്തെ തുടര്‍ന്ന് 18 രാജ്യങ്ങളില്‍നിന്നുള്ള നാവിക വിദഗ്ധര്‍ ചേര്‍ന്ന് തിരച്ചില്‍ നടത്തിയിരുന്നു. നാവിക താവളത്തിലേക്ക് പോകുന്നതിനിടെയായിരുന്നു അപകടം. അന്തര്‍വാഹിനിക്കുള്ളിലെ ബാറ്ററികളിലുണ്ടായ ഷോര്‍ട്ട് സര്‍ക്യൂട്ടാണ് അപകടത്തിനിടയാക്കിയിരുന്നത്.