കാക്കനാട്: സൈബര്‍ അറസ്റ്റ് ഭീഷണിയിലൂടെ വീട്ടമ്മയില്‍ നിന്ന് നാലുകോടിയിലധികം രൂപ തട്ടിയെടുത്തു. കാക്കനാട് എന്‍.ജി.ഒ ക്വാര്‍ട്ടേഴ്‌സ് സ്വദേശിനിയായ വീട്ടമ്മയുടെ പക്കല്‍നിന്നാണ് ഏഴ് തവണയായി 4,11,90,094 രൂപ തട്ടിയെടുത്തത്. ഡല്‍ഹി ഐ.സി.ഐ.സി.ഐ ബാങ്കില്‍ വീട്ടമ്മയുടെ പേരില്‍ ആരോ വ്യാജ അക്കൗണ്ട് തുടങ്ങിയെന്നും ആ അക്കൗണ്ട് ഉപയോഗിച്ച് നിയമവിരുദ്ധ സാമ്പത്തിക ഇടപാടുകള്‍ നടത്തിയെന്ന് കണ്ടെത്തുകയും ചെയ്തു. ഇതിനെപ്പറ്റി സന്ദീപ്കുമാര്‍ എന്നയാള്‍ ഡല്‍ഹി പൊലിസില്‍ കേസ് നല്‍കിയെന്നുമാണ് ഫോണ്‍ വഴി അറിയിപ്പ് ലഭിച്ചത്.

ഈ അക്കൗണ്ടിലൂടെയാണ് മനുഷ്യക്കടത്ത്, ലഹരിക്കടത്ത് എന്നിവ നടത്തിയ തുക കൈമാറിയതെന്നതി നാലാണ് കേസെന്നും തട്ടിപ്പുകാര്‍ വീട്ടമ്മയെ പറഞ്ഞ് വിശ്വസിപ്പിച്ചു. കൂടാതെ, ഇവരുടെ പേരിലുള്ള മറ്റ് അ ക്കൗണ്ടുകള്‍ പരിശോധിച്ച് വരുകയാണെന്നും ഇതെല്ലാം നിയമവിരുദ്ധമാണോയെന്ന് പൊലിസ് അന്വേഷണം നടത്തുകയാണെന്നും വിശ്വസിപ്പിച്ചു.

ഇതിന്റെ ഭാഗമായി വീട്ടമ്മയുടെ അക്കൗണ്ടുകളിലെ പണമെല്ലാം പൊലിസിന് കൈമാറണമെന്നും കേസ് തീരുന്ന മുറക്ക് പണം തിരിച്ചു നല്‍കാമെന്നും വാട്‌സ്ആപ്പിലൂടെ ആവശ്യപ്പെട്ടു, അല്ലാത്തപക്ഷം അറസ്റ്റ് ചെയ്യുമെന്ന ഭീഷണി കൂടി ആയതോടെ വീട്ടമ്മ തന്റെ മൂന്ന് അക്കൗണ്ടുകളിലെ പണം പലതവണയായി ഓണ്‍ലൈനിലൂടെ അയച്ച് നല്‍കി. പണം കൈമാറിയ ശേഷം ഇക്കൂട്ടരെ വിളിച്ചിട്ട് പ്രതികരണമൊന്നും ഇല്ലാത്തതിനാല്‍ വീട്ടമ്മ തൃക്കാക്കര പൊലിസില്‍ പരാതി നല്‍കി. തുടര്‍ന്ന് പൊലിസ് നടത്തിയ അന്വേഷണത്തിലാണ് ഇത് തട്ടിപ്പായിരുന്നെന്ന് വീട്ടമ്മ മനസ്സിലാക്കുന്നത്. പരാതിയില്‍ കേസെടുത്ത പൊലിസ് അന്വേഷണം ആരംഭിച്ചിട്ടുണ്ട്.

A homemaker lost ₹40 lakh to cyber fraud. The thief posed as a bank representative, exploiting her trust. Authorities urge vigilance against online scams.