കൊല്ലങ്കോട്: സംസ്ഥാനത്തെ മൂന്നാമത് സൗരോര്‍ജ്ജ വൈദ്യുതി നിലയം കൊല്ലങ്കോട് അച്ഛനാംകോട് കെ.എസ്.ഇ.ബി സബ് സ്റ്റേഷനോട് ചേര്‍ന്നുള്ള സ്ഥലത്ത് പരീക്ഷണാടിസ്ഥാനത്തില്‍ പ്രവര്‍ത്തനം ആരംഭിച്ചു.
സൗരോര്‍ജ വൈദ്യുതി നിലയത്തിന്റെ ഔപചാരിക ഉദ്ഘാടനം എട്ടിന് വൈകുന്നേരം മൂന്നിന് വൈദ്യുതി മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്യും. സബ് സ്റ്റേഷനോടു ചേര്‍ന്നുള്ള നാലര ഏക്കര്‍ സ്ഥലത്ത് ആറേമുക്കാല്‍ കോടി ചെലവിലാണ് പദ്ധതി പൂര്‍ത്തിയാവുന്നത്.
305 വാട്ട് വീതം ഉത്പ്പാദിപ്പിക്കുന്ന 3380 സോളാര്‍ പാനലുകളാണ് ഇവിടെ സ്ഥാപിച്ചിട്ടുള്ളത.് ഇതില്‍  നിന്നും ഒരു മെഗാവാട്ട് വൈദ്യുതി ഉത്പാദിപ്പിക്കാന്‍ ശേഷിയുള്ളതാണ് നിലയം. പരീക്ഷണാടിസ്ഥാനത്തില്‍ ഇപ്പോള്‍ 4000 യൂനിറ്റ് പ്രതിദിനം ലഭിക്കുന്നതായും ഉത്പ്പാദിപ്പിച്ച വൈദ്യുതി ബാറ്ററികളില്‍ സംഭരിക്കാതെ നേരിട്ട് ഗ്രിഡിലേക്ക് നല്‍കുന്ന സംവിധാനമാണ് ഇവിടെയുള്ളത്.
വര്‍ഷത്തില്‍ ശരാശരി 15 ലക്ഷം യൂനിറ്റ് വരെ വൈദ്യുതി ഉത്പ്പാദിപ്പിക്കാമെന്ന് കരുതുന്നതായും നിര്‍മാണം നടത്തുന്ന നോയിഡയിലെ ജാക്‌സണ്‍ എന്‍ജിനീയറിങ് ലിമിറ്റഡ് കമ്പനി പ്രൊജക്റ്റ് എന്‍ജിനീയര്‍ ശങ്കര്‍ പറഞ്ഞു.