തൃശൂര്‍: നാളെ മുതല്‍ ജൂലൈ രണ്ടുവരെ ക്രൊയേഷ്യയില്‍ നടക്കുന്ന ലോക യൂത്ത് കരാട്ടെ ചാംപ്യന്‍ഷിപ്പില്‍ ഇന്ത്യയെ പ്രതിനിധീകരിച്ച് സെന്റ് തോമസ് ഹയര്‍ സെക്കന്‍ഡറി സ്‌കൂള്‍ പ്ലസ് വണ്‍ വിദ്യാര്‍ഥി ഉജ്ജ്വല്‍ സാമന്ത പങ്കെടുക്കുമെന്ന് കോച്ച് പി.ബി ബിനോയ് വാര്‍ത്താസമ്മേളനത്തില്‍ പറഞ്ഞു.
ഒല്ലൂരില്‍ ആഭരണ നിര്‍മാണത്തൊഴിലാളിയായ കൊല്‍ക്കത്ത സ്വദേശി ദുലാല്‍ സാമന്തയുടേയും അനിത സാമന്തയുടേയും മകനാണ് ഉജ്ജ്വല്‍. നിരവധി ജില്ലാ, സംസ്ഥാന, ദേശീയ ചാംപ്യന്‍ഷിപ്പുകളില്‍ പങ്കെടുത്തിട്ടുണ്ട്. 31 അംഗ ടീമില്‍ കേരളത്തെ പ്രതിനിധീകരിച്ചാണ് കൊല്‍ക്കത്ത സ്വദേശിയായ ഉജ്ജ്വല്‍ പങ്കെടുക്കുന്നത്. പരിശീലന ക്യാംപും ഇതോടൊപ്പം നടക്കും. വാര്‍ത്താസമ്മേളനത്തില്‍ സജി പോള്‍ മാടശ്ശേരി, ഉജ്ജ്വല്‍ സാമന്ത പങ്കെടുത്തു.