താമരശ്ശേരി: പെരുന്നാള്‍ പോലുള്ള ആഘോഷങ്ങള്‍ എല്ലാ മതസ്ഥര്‍ക്കും സ്‌നേഹ ബന്ധങ്ങള്‍ സൃഷ്ടിച്ചെടുക്കാനുള്ള അവസരമാണെന്ന് എസ്.വൈ.എസ് സംസ്ഥാന സെക്രട്ടറി നാസര്‍ ഫൈസി കൂടത്തായി അഭിപ്രായപ്പെട്ടു.
 കൂടത്തായി സെന്റ് മേരീസ് ഹൈസ്‌കൂള്‍ പി.ടി.എ കമ്മിറ്റി സംഘടിപ്പിച്ച റമദാന്‍, ഈദ് സന്ദേശം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പി.ടി .എ പ്രസിഡന്റ് കെ.എസ്.മനോജ് കുമാര്‍ അധ്യക്ഷനായി.സ്‌കൂള്‍ വിദ്യാര്‍ഥികള്‍ക്കും അധ്യാപകര്‍ക്കും കിസ്‌വ നല്‍കിയ സ്‌നേഹോപഹാരം പ്രസിഡന്റ് എ.കെ കാതിരി ഹാജി വിതരണം ചെയ്തു. മാനേജര്‍ ഫാദര്‍ ജോസ് ഇടപ്പാടിയില്‍ സംസാരിച്ചു. ഹെഡ്മിസ്ട്രസ് ഇ .ഡി ഷൈലജ ടീച്ചര്‍ സ്വാഗതവും സജി മാത്യു നന്ദിയും പറഞ്ഞു.