റിയാദ്: ഇന്ത്യയില്‍ സാമ്പത്തിക മാന്ദ്യമുണ്ടെന്ന് സമ്മതിച്ച് മുകേഷ് അംബാനിയും. സഊദി തലസ്ഥാന നഗരിയായ റിയാദില്‍ സംഘടിപ്പിച്ച സഊദി ആഗോള നിക്ഷേപക സമ്മേളനത്തില്‍ സംസാരിക്കുകയായിരുന്നു റിലയന്‍സ് ഇന്‍ഡസ്ട്രീസ് ലിമിറ്റഡ് മേധാവി മുകേഷ് അംബാനി. നിക്ഷേപക സംഗമത്തിന്റെ ഭാഗമായ പ്രത്യേക പ്ലീനറിയില്‍ അടുത്ത പത്തുവര്‍ഷത്തെ സാമ്പത്തിക രംഗത്തെ പ്രവണതകള്‍ ചര്‍ച്ച ചെയ്യുന്ന പരിപാടിയിലാണ് മുകേഷ് അംബാനി പങ്കെടുത്തത്.
ഇന്ത്യയില്‍ സാമ്പത്തികരംഗത്ത് വളര്‍ച്ചാമുരടിപ്പ് അനുഭവപ്പെടുന്നുണ്ട്. എന്നാല്‍ മാന്ദ്യം മറികടക്കുമെന്ന പ്രതീക്ഷയുണ്ടെന്നും അംബാനി കൂട്ടിച്ചേര്‍ത്തു.
ഇന്ത്യയില്‍നിന്നും അംബാനിയുടെ റിലയന്‍സ് ഗ്രൂപ്പും യൂസഫലിയുടെ ലുലു ഗ്രൂപ്പുമാണ് പങ്കെടുത്തത്.