കോഴിക്കോട്: എസ്.കെ.എം.ഇ.എ സംസ്ഥാന നേതൃക്യാംപ് നാളെ ബേപ്പൂരില്‍ ആരംഭിക്കും. മുദാക്കര യാസീന്‍ മദ്‌റസയില്‍ വൈകിട്ട് നാലിന് 'തിരുനബി കരുണയാണ് ' മീലാദ് കാംപയിനിന്റെ ഉദ്ഘാടനം സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജന.സെക്രട്ടറി എം.ടി അബ്ദുല്ല മുസ്‌ലിയാര്‍ നിര്‍വഹിക്കും. അബൂബക്കര്‍ സിദ്ദീഖ് ഫൈസി അധ്യക്ഷനാകും. സ്വാഗതസംഘം ചെയര്‍മാന്‍ പി. അബൂബക്കര്‍ ഹാജി പതാക ഉയര്‍ത്തും.സയ്യിദ് മുബശ്ശിര്‍ തങ്ങള്‍ ജമലുല്ലൈലി മൗലിദിന് നേതൃത്വം നല്‍കും.
മൂന്നിന് ഞായറാഴ്ച രാവിലെ ഒന്‍പതിന് നേതൃക്യാംപിന്റെ ഉദ്ഘാടനം സയ്യിദ് മുഹമ്മദ് കോയ തങ്ങള്‍ ജമലുല്ലൈലി നിര്‍വഹിക്കും. സംസ്ഥാന പ്രസിഡന്റ് ഡോ. എന്‍.എ.എം അബ്ദുല്‍ ഖാദിര്‍ അധ്യക്ഷനാകും. അബ്ദുല്‍ ഹമീദ് ഫൈസി അമ്പലക്കടവ്, സാലിം ഫൈസി കൊളത്തൂര്‍, എസ്.വി മുഹമ്മദലി എന്നിവര്‍ ക്ലാസിന് നേതൃത്വം നല്‍കും. സംസ്ഥാനത്തെ മുഴുവന്‍ ജില്ലകളില്‍നിന്നും തെരഞ്ഞെടുക്കപ്പെട്ട പ്രതിനിധികളാണ് ക്യാംപില്‍ പങ്കെടുക്കുന്നത്.