തിരുവനന്തപുരം: വാളയാര്‍ സംഭവത്തില്‍ പ്രതിഷേധം കനക്കവേ ഇന്ന് മന്ത്രി എ.കെ ബാലനുനേരെ കെ.എസ്.യു. കരിങ്കൊടി കാണിച്ചു. നിയമസഭാ സമ്മേളനത്തിനായി പുറപ്പെട്ട മന്ത്രിയെ നഗരസഭാ മന്ദിരത്തിനു സമീപത്തുവെച്ചാണ് അഞ്ച് കെ.എസ്.യു പ്രവര്‍ത്തകര്‍ കരിങ്കൊടിയുമായി കാറിനു മുന്നിലേക്കു കുതിച്ചെത്തിയത്. സംഭവത്തില്‍ ഉടനെ പൊലിസെത്തി ഇവരെ പിടിച്ചുമാറ്റി അറസ്റ്റ് ചെയ്തു. രണ്ടുപേര്‍ ഓടി രക്ഷപ്പെട്ടു.