എടക്കര: സ്‌കൂള്‍ പരിസരത്ത് കഞ്ചാവ് വിപപ്പന നടത്തുകയായിരുന്ന യുവാവ് പൊലിസ് പിടിയിലായി.  നാരോക്കാവ് സ്വദേശി കൈതക്കോടന്‍ അബ്ദുല്‍ മജീദ് ആണ് പിടിയിലായത്. എടക്കര ഗവ.ഹയര്‍ സെക്കന്‍ഡറി സ്‌കൂളിന് സമീപത്തെ കടയോട് ചേര്‍ന്ന ഷെഡില്‍ കഞ്ചാവ് വില്‍പന നടത്തുന്നതായി  പൊലിസിന് രസസ്യവിവരം ലഭിക്കുകയായിരുന്നു. 70 ഗ്രാം കഞ്ചാവ് പിടിച്ചെടുത്തു.  വിദ്യാര്‍ഥികളെ വലയില്‍ വീഴ്ത്താന്‍ സ്‌കൂള്‍ പരിസരങ്ങള്‍ കേന്ദ്രീകരിച്ചാണ് പ്രതിയുടെ കഞ്ചാവ്  വില്‍പന. പ്രതിക്കെതിരെ നേരത്തെയും വഴിക്കടവ് പൊലിസില്‍ കേസുണ്ട്. എസ്.ഐ സുനില്‍  പുളിക്കലിന്റെ നേതൃത്വത്തില്‍ സി.പി.ഒ മാരായ പ്രദീഷ്, ഫിഫിന്‍, സോണി, ഉമ്മര്‍, സുകേഷ്  എന്നിവരടങ്ങുന്ന സംഘമാണ് പ്രതിയെ പിടികൂടിയത്.