കൊട്ടിയം: ഇരവിപുരം പൊലിസ് സ്റ്റേഷന്‍ വളപ്പില്‍ തെരുവു നായകളുടെ ശല്യം കാരണം സ്റ്റേഷനുള്ളിലേക്ക് കടക്കാനാവാത്ത സ്ഥിതിയാണെന്ന് കോണ്‍ഗ്രസ് ഇരവിപുരം മണ്ഡലം കമ്മിറ്റി പ്രസ്താവനയില്‍ ആരോപിച്ചു.
വാടക കെട്ടിടത്തില്‍ പ്രവര്‍ത്തിക്കുന്ന പൊലിസ് സ്റ്റേഷന്റെ മുന്‍വശത്ത് തെരുവുനാകളും അവയുടെ കുഞ്ഞുങ്ങളും സദാസമയം തമ്പടിച്ചിരിക്കുന്നത് മൂലം നായയുടെ കടിയേല്‍ക്കാതെ സ്റ്റേഷനകത്തേക്ക് കടക്കാനാവാസ്ഥ സ്ഥിതിയാണുള്ളത്. സ്റ്റേഷനില്‍ ഡ്യൂട്ടിയിലുള്ളവരും ഇതേ തരത്തില്‍ ബുദ്ധിമുട്ടനുഭവിക്കുകയാണ്. തെരുവ് നായ ശല്യത്തിന് ശാശ്വത പരിഹാരം കണ്ടെത്താന്‍ അധികൃതര്‍ നടപടി സ്വീകരിക്കണമെന്ന് മണ്ഡലം പ്രസിഡന്റ് എ. കമറുദ്ദീന്‍ പ്രസ്താവനയില്‍ ആവശ്യപ്പെട്ടു.