കൊച്ചി:  അട്ടപ്പാടിയില്‍ മാവോയിസ്റ്റ് വേട്ടയില്‍ കൊല്ലപ്പെട്ടവരുടെ മൃതദേഹങ്ങള്‍ സംസ്‌കരിക്കുന്നത് തടയണമെന്ന് ഹരജി.
കൊല്ലപ്പെട്ട കാര്‍ത്തിയുടെയും മണിവാസകത്തിന്റെയും സഹോദരങ്ങളാണ് കീഴ്‌കോടതിയുടെ നടപടി ചോദ്യം ചെയ്ത് ഹൈക്കോടതിയില്‍
ഹരജി നല്‍കിയിരിക്കുന്നത്. മരിച്ചവരില്‍ രണ്ടുപേരെ മാത്രമേ തിരിച്ചറിഞ്ഞിട്ടുള്ളൂ. മറ്റുള്ളവരെ തിരിച്ചറിയുന്നതിനു മുമ്പ് സംസ്‌കാരം നടത്തരുത്.

സംസ്‌കാരം നടത്താനുള്ള കീഴ്‌കോടതി ഉത്തരവ് നിയമപരമല്ലെന്ന് ഇവര്‍ ഹരജിയില്‍ ആരോപിക്കുന്നു.
സംഭവത്തില്‍ ശരിയായ അന്വേഷണം നടത്തണമെന്നും ഹരജിയില്‍ ആവശ്യപ്പെട്ടിട്ടുണ്ട്. ഇപ്പോള്‍ തൃശൂര്‍ മെഡിക്കല്‍ കോളജ് ആശുപത്രിയിലാണ് മൃതദേഹം സൂക്ഷിച്ചിരിക്കുന്നത്.