പള്ളിക്കല്‍:  പഞ്ചായത്തിലെ തറയിട്ടാലില്‍ ശനിയാഴ്ച അര്‍ധരാത്രിയില്‍ കോഴിയുടെ അവശിഷ്ടങ്ങളുമായി പോകുന്ന ലോറി നിയന്ത്രണം വിട്ട് താഴ്ചയിലേക്ക് മറിഞ്ഞത് കാരണം പ്രദേശത്താകെ മാലിന്യം ചിതറുകയും അസഹ്യമായ ദുര്‍ഗന്ധം വമിക്കുകയും ചെയ്തിരുന്നു. വിവരമറിഞ്ഞ് പിറ്റേന്ന് അതിരാവിലെ തന്നെ സംഭവസ്ഥലത്തെത്തിയ പള്ളിക്കല്‍ പ്രാഥമികാരോഗ്യ കേന്ദ്രത്തിലെ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ അബ്ദല്‍ റഊഫ് അവശിഷ്ടങ്ങള്‍ നിക്കം ചെയ്യുന്നതിനും പരിസരം അണുവിമുക്തമാക്കുന്നതിനും നാട്ടുകാര്‍ക്കൊപ്പം ശുചീകരണ പ്രവര്‍ത്തനത്തില്‍ ഏര്‍പ്പെടുകയായിരുന്നു.
മഴക്കാലം തുടങ്ങിയതോടെ പകര്‍ച്ചവ്യാധികള്‍ പടര്‍ന്നു പിടിക്കുന്ന സാഹചര്യത്തില്‍ ഒഴവുദിനമായിട്ടും സ്തുത്യാര്‍ഹമായ സേവനം നടത്തിയ ഈ ഉദ്യോഗസ്ഥനെ നാട്ടുകാര്‍ അഭിനന്ദിച്ചു.