കുറ്റ്യാടി: ഓക്‌സ്ഫഡ് നിഘണ്ടുവിലെ തെറ്റുതിരുത്തി ശ്രദ്ധേയനായി മലയാളി വിദ്യാര്‍ഥി.
കൊയിലാണ്ടി മുചുകുന്ന് സ്വദേശിയും മടവൂര്‍ ജാമിഅ അശ്അരിയ്യ മുത്വവ്വല്‍ ഒന്നാംവര്‍ഷ പി.ജി വിദ്യാര്‍ഥിയുമായ കോട്ടിയത്ത് അബ്ദുസ്സഹലാണ് ഓക്‌സ്ഫഡ് യൂനിവേഴ്‌സിറ്റി പ്രസിദ്ധീകരിച്ച നിഘണ്ടുവിലെ തെറ്റ് കണ്ടെത്തിയത്.
ഓക്‌സ്ഫഡ് അഡ്വാന്‍സ് ലേണേഴ്‌സ് നിഘണ്ടുവിലെ ഒന്‍പതാം പതിപ്പിലെ ഖശയയമ എന്ന വാക്കിന്റെ അര്‍ഥത്തിന് നല്‍കിയിരിക്കുന്ന വിശദീകരണത്തിലെ അക്ഷരത്തെറ്റാണ് സഹല്‍ കണ്ടെത്തിയത്. മ ഹീിഴ രീമ േംീൃാ യ്യ ങൗഹെശാ ാലി എന്ന വിശദീകരണത്തില്‍ ണീൃി എന്നതിന് പകരം ണീൃാ എന്നാണ് രേഖപ്പെടുത്തിയിരുന്നത്. തെറ്റ് കണ്ടെത്തിയ ഉടന്‍ സഹല്‍ ജാമിഅ അശ്അരിയ്യ ലിറ്ററേച്ചര്‍ ഡിപ്പാര്‍ട്ട്‌മെന്റ് ലക്ചറര്‍ മുര്‍ശിദ് യമാനിയുടെ സഹായത്തോടെ ഓക്‌സ്ഫഡിന്റെ ഇന്ത്യയിലെ സെന്ററുകളായ ഡല്‍ഹി, ചെന്നൈ, മുംബൈ എന്നിവിടങ്ങളില്‍ ബന്ധപ്പെട്ടു.
എന്നാല്‍, ദിവസങ്ങള്‍ കഴിഞ്ഞിട്ടും മറുപടി ലഭിച്ചില്ല. ഇതേതുടര്‍ന്ന് യു.കെയിലെ ഓക്‌സ്ഫഡ് യൂനിവേഴ്‌സിറ്റി ഓഫിസുമായി ബന്ധപ്പെട്ടപ്പോള്‍ ഇമെയില്‍ സന്ദേശം ലഭിച്ചെന്നും തെറ്റ് പരിശോധിച്ച് 72 മണിക്കൂറിനുള്ളില്‍ മറുപടി തരാമെന്നുമുള്ള അറിയിപ്പ് ലഭിച്ചു. തുടര്‍ന്ന് തെറ്റ് ശ്രദ്ധയില്‍പ്പെടുത്തിയതിന് നന്ദി അറിയിച്ചുകൊണ്ടുള്ള ഓക്‌സ്ഫഡ് അധികൃതരുടെ ഇമെയില്‍ സന്ദേശവും സഹലിന് ലഭിച്ചു.