റിയാദ്: പ്രമുഖ ചരിത്ര സന്ദര്‍ശന കേന്ദ്രമായ മദാഇന്‍ സാലിഹ് സന്ദര്‍ശനത്തിനെത്തിയ മലയാളി കുടുംബത്തിലെ രണ്ടു പേര്‍ അപകടത്തില്‍ മരിച്ചു.  നാല് പേര്‍ക്ക് പരുക്കേറ്റു.

മലപ്പുറം വളാഞ്ചേരി ഇരിമ്പിളിയം സ്വദേശി ഫാറൂഖിന്റെ ഭാര്യ ഷജില (32) മാതാവ് ചിറ്റന്‍ ആലുങ്ങല്‍ സാബിറ (62) എന്നിവരാണ് മരിച്ചത്. പരിക്കേറ്റ ഫാറൂഖ്, മക്കളായ ഷയാന്‍(ഏഴ്), റിഷാന്‍( നാല്) ഫാറൂഖിന്റെ പിതാവ് അബ്ദുല്ലക്കുട്ടി എന്നിവര്‍ അല്‍ ഉല ആശുപത്രിയിലാണ്.

ചൊവ്വാഴ്ച രാത്രി എട്ട് മണിയോടെ  മദീനയിലേക്ക് മടങ്ങുമ്പോഴായിരുന്നു അപകടം. വാഹനത്തിന്റെ ടയര്‍ പൊട്ടിയാണ് അപകടം. ഫാറൂഖിന്റെ  മാതാപിതാക്കാള്‍ സന്ദര്‍ശക വിസയില്‍ എത്തിയതായിരുന്നു.