എടവണ്ണ: അകാരണമായി ഓട്ടോ ഡ്രൈവറെ മര്‍ദിച്ചെന്ന് ആരോപിച്ച് എടവണ്ണ ടൗണില്‍ ഓട്ടോ തൊഴിലാളികള്‍ പ്രതിഷേധ പ്രകടനം നടത്തി.
കഴിഞ്ഞ ദിവസം രാത്രി എടവണ്ണ ടൗണില്‍ വെച്ചാണ് സംഭവം. മര്‍ദനത്തില്‍ പരുക്കേറ്റ ഓട്ടോ ഡ്രൈവര്‍ ഒതായി പടിഞ്ഞാറെ ചാത്തല്ലൂര്‍ സ്വദേശി മടന്തല ബാലകൃഷ്ണന്‍ (48)  മഞ്ചേരി മെഡിക്കല്‍ കോളജ് ആശുപത്രിയില്‍ ചികില്‍സയിലാണ്.
ഓട്ടോ ഡ്രൈവറെ മര്‍ദിച്ചെന്ന പരാതിയില്‍ എടവണ്ണ കല്ലിടുമ്പിലെ മാലങ്ങാടന്‍ അഷ്‌റഫലിയുടെ പേരില്‍ എടവണ്ണ പൊലിസ് കേസെടുത്ത് അന്വേഷണം ആരംഭിച്ചു. ഓട്ടോ തൊഴിലാളികള്‍ ടൗണില്‍ നടത്തിയ പ്രതിഷേധ പ്രകടനത്തിന് സക്കീര്‍ മുണ്ടേങ്ങര, പി.കെ ബാബു, പി.സുബ്രഹ്മണ്യന്‍, രാജേഷ്, ഹമീദ് ചളിപ്പാടം, സുനില്‍ കുന്നുമ്മല്‍ നേതൃത്വം നല്‍കി.